مليونيات الجمعة.. فى عيون المغردين

* "فيس بوك": لا للعنف بمشاركة الثوار الحقيقيين
* "تويتر": "كش ملك" غباء سياسى
"من المفروض أن نرى مقارنات حقيقية على الفضائيات بين مليونية لا للعنف للإسلاميين ومئوية قصر القبة".. جدارية كتبها أحد شباب المدونين على "تويتر"، مطالبا الفضائيات بعمل مقارنة حقيقية بين التجمعات الحاشدة التى دعت إليها القوى الإسلامية، وبين ما يسمى بمليونية "كش ملك" التى دعت إليها بعض الأطياف المحسوبة على المعارضة، التى لم يتجاوز فيها المشاركون بضع مئات.
من جانبه، سخر إبراهيم حمزة قائلاً: "ياه 38 حركة وائتلاف وفى الآخر يبقى عددهم يكسف حركات معظمها مزيفة، ولما الإخوان والسلف بس بينزلوا بيبقوا ملايين".
أسماء ياسر كتبت عبر حسابها على "فيس بوك"، تعقيبا على مليونية "لا للعنف": "كنت أتمنى أن تكون هذه المليونية فى ميدان التحرير حتى ينزل كل من له الحق فى الثورة من الثوار المحترمين حتى يرى العالم من هم الثوار، ويرى العالم من هم المؤيدون والمعارضون.. وفقكم الله أيها المصريون الحقيقيون".
اللافت أن "فيس بوك" أعطى اهتماما أكبر لمليونية "لا للعنف"؛ حيث ظهرت العديد من الجداريات التى أشادت بالروح والالتزام التى اتسمت بها الجموع الحاشدة فى ميدان النهضة؛ حيث كتبت ورد الأصيل: "همّا دول الشرفاء اللى بيحبوا دينهم وبلدهم، مش تقولى بلطجة وحرق ومولوتوف واغتصاب وسرقة".
كشكش بيه
بدوره أعطى موقع "تويتر" مساحة واسعة للسخرية من المئويات التى تدعو إليها بعض العناصر المحسوبة على المعارضة، التى كان آخرها ما سمى بمليونية "كش ملك" عند قصر القبة؛ حيث كتبت ريهام حامد: "مليونية كش ملك والجمعة اللى بعدها جمعة الدومينو قفلت".
وكتب خالد مصطفى: "فيه مليونية اسمها كش ملك، هى الأسامى خلصت ولا إيه، مش ده برضه اسم فيلم".. ومع مسلسل القفشات الضاحكة من مليونيات المعارضة نقرأ:
نورس: مش لاقيين أسماء لمليونيات الجمعة سموها "كش ملك" شكل مليونية "شيش بيش" قربت.
أسيا أسامة: حقيقى دى مليونية كش ملك :-D. المفروض ننزلهم بالطابية وناكلهم بالوزير مثلا؟
محمد حنفى: مليونية كش ملك! الغباء السياسى فى أبهى صوره!
عماد عبد الرحمن: جبهة الإنقاذ تعلن رفضها المشاركة فى مليونية!! عين العقل شكلهم ابتدوا يفهموا بعد تربسة الدماغ فى الفترة اللى فاتت.
أحمد عدلى: معظم المشاركين فى مليونية كش ملك ملهمش فى الشطرنج.
أحمد محمود: مرة مليونية اسمها مصر مش عزبة ومليونية اسمها كش ملك، أنا حاسس إنى المليونية الجاية هيبقى اسمها خد فطيرك.
سمر نجم: جمعة "كش ملك" دى جمعة ولا لوحة شطرنج..
محمود أبو الدهب: بيقولك اسم المظاهرة بتاعة المعارضة، اسمها "كش ملك"؛ طيب دول.. نازلين يتظاهروا ولا يلعبوا شطرنج :)
رانيا: جمعة اسمها كش ملك.. أنا هنزل معاهم، طول عمرى نفسى أتعلم لعب الشطرنج مش هما هيلعبوا برضه.
عمر مؤمن: يا ريت ما تتأخروش، علشان أخدنا على الفيلم ده بتاع كل يوم جمعة.
عبده الرفاعى: مليونية كش ملك معنى كده المليونية القادمة هتبقى كشكش بيه.
أحمد سعد: لسه فى قصرين كمان.. والله مرسى ده برنس هيلففكم كعب داير.