تصدر هاشتاج #البنزين و#حكم_العسكر_غلاء ترند موقع التواصل الاجتماعى القصير "تويتر" نعقب إعلان حكومة الانقلاب ليلا زيادة أسعار المواد البترولية "البنزين والسولار والغاز" زيادتها. وصّب النشطاء ورواد التواصل جام غضبهم على قرار العسكر، مؤكدين أن الشعب على وشك الانتحار والانهيار بفعل كوارث الانقلاب المستمرة، يقول سعداوى: خليكم فاكرين بس أن عبدالفتاح السيسي إستلم الرئاسة ولتر البنزين ثمنه 1.85 جنيه، والدولار يساوي 7.40 جنيه.. علشان عارفكم بتنسوا! الإعلامى أسامة جاويش غرد فقال: إلى الأصدقاء ثوار 30 يونيو ومؤيدي الجنرال ،هل وجدتم ما وعدكم السيسي حقا؟ محمد زين قال: يا اخي طب سيب حاجه ليأجوج و مأجوج،بدل ما يرفعوا مستوى معيشة المواطن، رفعوا المواطن نفسه وده قمة الأعجاز العلمى #البنزين. بينما قال ابن الثورة: #حكم_العسكر_غلاء ،مبروك على مؤيدي المنقلب الخائن ،ارتفاع أسعار الوقود وسمعني احلى تسلم الأيادي. مينا ملاك قال فى تدوينه له: بنزين 80 والجاز اللي بيتحط للنقل والميكروباص والعربيات القديمة بتاعت الغلابه زي 128 زيادة 55%،بنزين 95 اللي بيتحط للهامر والمرسيدس والبي ام اللي هى عربيات الوزراء والمسئولين ورجال الأعمال والمرتاحين ماديا زيادة 4%.بس اوعوا زيادة أسعار البنزين تنسيكم تفرحوا ب 30 يونيو الى شالت الأشرار ..! فى حين قال الصحفى جبر المصرى: الدولار كان ب7 جنيه بقي بت20، الوقود كان ب180 بقى ب5 جنيه، الأنبوبة كانت ب6جنيه بقت ب30، المهم خلصنا من الإخوان.#حكم_العسكر_غلاء أما الناشط وائل عباس فوضع صورة وكتب أعلاها: السيساوية بيسالوا فيه ايه، فيه محشي اغرفلك؟ بينما سخر أحمد وعلق قائلا: المواطن المصري علشان يولع في نفسه، عاوزله 50 جنيه #البنزين.أما بنت صاحب تويتر فردت: ادعوا للشعب المصرى فهم الان يحاسبون. وقالت للإسلام تغريدى: الشعب الذي ينتخب الفاسدين والخونة، هو ليس شعبا ضحية، بل هو شعبا متواطئ، والله كلامك حكم وزيد عليه ،شعب عايز حرقه #حكم_العسكر_غلاء. وواصل النشطاء حديثهم حول الكارثة الجديدة،وقال صديق: السواقين عندنا رفعوا الأجرة من 2ج إلى 3ج، شكرا بلحة #البنزين. بينما علق عادل الشهرى على الأمر: وزير البترول: زيادة البنزين بتصب في مصلحة المواطن.. الصراحة المصلحة اتهرت. أما فادى فغرد قائلا: بالإصلاح الجريء.. هنقلعك علي الطريق. أما ريحانة الثورة فقالت: #اخرة_6_شهور_صبر #البنزين غلي والقيمة المضافة 14 الكهربا، المياه، الدواء هيغلى وبيع الجزر والانتهاء من السد من الاخر #حكم_العسكر_غلاء وخراب. وغرد أسامة فقال: #حكم_العسكر_غلاء وبلاء مصر كلها بقت طابونة وأشلاء،ضاعت أرض ونيل والدور على سيناء،قاتل خاين عميل وعايش على سفك الدماء. فتشنى فتش شارك فى تغريدة هو كذلك فقال: من ال.. وعصابته إلى شعب 30 سونيا: الإنجازات كتير يا حمار، بس مخبينها م الأشرار، من باب: دارى على شمعتك بكره نولع ف جتتك #البنزين #4_سنين_خراب. وأضاف أنا بابا يلا: ننسي #البنزين عشان من السبت الجاي ضريبة القيمة المضافة 14٪ افرم يا سيسي. أما ليدى فقالت: #البنزين ارتفع سعره وعليه المواصلات ترتفع والخضار والفاكهه ترتفع والحراميه والمرتشين يتزايدوا.. والشحاتين يزيدوا.. والفقر يزيد.. وأعباء الأسره تزيد.
