"لبن الأطفال" هاشتاج يتصدر "تويتر" ساخرًا من "كتيبة المرضعات"!

تصدر هاشتاج "#لبن_الأطفال" قائمة الهاشتاجات الأكثر تداولا على موقع "تويتر"؛ للسخرية من تولي القوات المسلحة استيراد لبن الأطفال وبيعه للصيدليات والمواطنين!.
وقال محمود خير الله: "يا خسارة بجد على بلد الجيش ماسك فيها كل حاجة، حتى موفر جنود ترضع لبن، أصل متعرفوش إن الجيش ده صدره حنين.. آه يا بلد عايزة ولد".
وغرد صاحب حساب "حمدي حمدي" قائلا: "المفروض يبقى فيه سلاح جديد في الجيش ويسموه سلاح المرضعات".
وكتبت آية جوهري "العقلية اللي عملت أزمة #لبن_الأطفال علشان تدخل تحلها وتاخد بنط، هي نفس العقلية اللي عملت أزمة الأمن أثناء الثورة علشان تنزل تحمي وتاخد بنط".
وغرد سيد سالم "الجيش ينزل 30 مليون علبة لبن أطفال السوق، دى لعبة فاشلة وواضحة، ودليل أنه سبب الأزمة دى.. يخرب بيت الغباء.. وفيه ناس برده هتصدق".
في حين كتب محمد نبيل "القوات المسلحة بتضع نفسها البديل فى كل مشاكل مصر.. علشان تلغى وجود الدولة، بحيث لا يوجد بديل غيرها.. إما مصر العسكرية أو الفوضى". وغرد "هيما زكي" قائلا: "#لبن_الأطفال حفظ الله قواتنا اللبنية كاملة الدسم".
وسخر صاحب حساب "محمد باشا"، قائلا: "من المفترض أن يقوم الجيش بنزع كافة اللوحات المكتوب عليها كذبا خير أجناد الأرض، ويستبدلوها بلوحات يُكتب عليها خير مرضعات الأرض".