زوجة معتقل بالعقرب: زوجي أخبرني "إننا بنموت كل يوم داخل المعتقل"

واصل معتقلو العقرب إضرابهم عن الطعام الذى بدءوه للمطالبة باحترام حقوق المعتقلين.
وروت رشا مصطفى -زوجة المعتقل محمود البربري أحد معتقلي سجن العقرب ما وصل إليه حال زوجها أمس قائلة: زوجي اليوم في الزيارة كان في حاله من الإعياء الشديد وبيتكلم بصعوبه وفجأه وقع من التعب والإرهاق وفقد الوعي تماما.
وحسب التنسيقية المصرية للحقوق والحريات، فإن البربرى، بدأ إضرابا عن الطعام مع زملائه من 5 أيام: وواصلت زوجته،تخيلوا احساسي أنا ووالدته ووالده وهو بيقع وراسه تتخبط ومش عارفين نجري عليه وننقذه لأن الزيارة المستحيلة بتكون من وراء حائل زجاجي وبالتليفون كل اللي قدرنا نعمله إننا نخبط على الزجاج وننادي على اسمه بصوت عال يمكن يسمعنا.
وأضافت: محمود مضرب عشان الوضع في العقرب تجاوز كل الحدود وكل القوانين ،وعشان بيطالب بحقه في أكل ينفع يتاكل ومياه ينفع تتشرب ورعايه طبيه,وعشان ممنوع ندخله أي لبس وممنوع ندخله أكل إلا وجبه في كيس بشكل مهين لا يكفي طفل صغير، وممنوع ندخله أي حاجه حتى فرشاة الأسنان، و عشان بيطالب ادارة السجن تعامله زي أي سجين مش هنقول زي مبارك وشلته لأننا مينفعش نتحط معاهم في مقارنه.
وكذلك حتى لا يتم إهانة الأهالي في أثناء الزيارات غير الآدمية، وتابعت: لما قلتله شكلك تعبان انت كدة ممكن تموت ابتسم بسخريه وقالي ما أحنا كده كده بنموت.
وقد أعلنت تضامنها التام مع إضراب المعتقلين، وطالبت بتوفير الحقوق المشروعة له، محملة داخلية الانقلاب ومصلحة السجون وإدارة سجن العقرب المسئولية الكاملة عن حياة زوجي.