شاهد- عكاشة يسبّ المصريين.. ويؤكد: الشعب الغبي نايم فى النايم

واصل الإعلامي المثير للجدل توفيق عكاشة –نائب برلمان العسكر- الخروج عن النص، ودخل فى وصلة سباب على الهواء مباشرة بحق مختلف طوائف المجتمع، مؤكدا أن الشعب المصري الغبي "نايم فى النايم ومتغطي فى المتغطي".
ودخل عكاشة –عبر برنامج "مصر اليوم" على فضائيته الخاصة "الفراعين"- مساء الأحد، فى حديث غير مفهوم ويجسد حالة الجهل التى تسيطر على عضو برلمان السيسي، قائلا: "إحنا هنا فى مصر بنهري فى المهري، وزي ما بيقولوا عندنا فى البلد بنحرت فى المحروت، وبنروي فى المروي، ومفيش حاجة تانية بنعملها غير كده".
ووجه حديثه لمذيعة الفراعين حياة الدرديري: "اتفرجى على برامج التليفزيون هتلاقيها كده، والصحافة بتعمل كده، والسياسيين بيعملوا كده، ورجال الأمن بيعملوا كده، كل منظومة البلد بتهري فى المهري، وبتحرت فى المحروت".
وواصل عكاشة انفعاله: "حتى الشعب نايم فى النايم، والمصحف الطاهر الشعب ده نايم فى النايم، واللى موقف البلد على رجليها 5% منه، وباقى ال95% نايم فى النايم ومتغطي فى المتغطي ومدفى فى المدفى، عشان ده شعب غبي وميعرفش أنه عبد عند اليهود إللى بيملكوا اقتصاد العالم، ومدينين الحمير بحوالي 450 تريليون دولار".