بحضور لفيف من الضباط والمخبرين: أحمد وإسراء.. خطوبة ضد العسكر

شهدت مدرية أمن الاسكندرية حفل خطوبة المعتقل أحمد جلال على إسراء ناصر أثناء زيارتها له بالمعتقل، حيث ارتدى العروسان دبل الخطوبة وسط زغاريد أهلهما، وذلك بعد حضور العروس بفستان الخطوبة وسط تصفيق وتهليل من باقي المعتقلين.
وتروي غادة عبد السلام، أحد أقارب العروسين، تفاصيل حفل الخطوبة قائلة: "تحت إشراف وزارة الداخلية وبحضور لفيف من صفوة المخبرين، تمت خطوبة البطل أحمد جلال قاهر العسكر على الآنسة إسراء ناصر أخت البطل هشام ناصر بطل العقابية، وسعد الحضور بالحفل الميمون وتم توزيع عيش وحلاوة.. وعلى أنغام يسقط يسقط حكم العسكر".
وأضافت غادة، في تدوينة لها عبر حسابها بموقع التواصل الاجتماعي "فيس بوك": "إمبارح ...هاجوا وماجو بداخل مديرية أمن الإسكندرية ... لما لقوا زيارة جاية لأحمد فيهم واحده لابسة فستان خطوبة !! الدنيا إتقلبت وحاولوا منع تلبيس الدبل .. معرفش ليه! حاولنا الكلام معاهم بالعقل أبو العروسة مرة وأبو العريس مرة.. وبدأت الناس كلها تزعق وكل الناس بتخبط فى بعضها!! أخوات العروسة إتفتحوا فى العياط .. وإخوات العريس حاولوا يمسكوا نفسهم بس برضه عيطوا".
وتابعت قائلة: "المهم أخيرا سمحوا ان البنت تقف والولد يلبسها الدبل بحضور الأبوين فقط.. وبعد كلام مع الظابط دخلوهم أوضه جنب مكان الزيارة -بعد ما مشوا الكل- وقعدوهم سوا ربع ساعة .. وطبعا مكانتش خلوة .. حفاظا على الشرع، الظابط كان فاتح الباب وموقف واحد عليه، وكان قاعد جوه (أدامهم) واحد تانى باصص لهم وبقه فى بقهم".
واستطردت غادة في سرد تفاصيل الاحتفال: "بعد شوية قالولنا ممكن اتنين منكم يدخلوا يسلموا عليه واللى حتدخل بموبيل حكسرهولها .. المهم دخلنا وهما قاعدين هما التلاتة ... العريس والعروسة والمحرم ... أول ما دخلنا راح المحرم قايلنا يوووه ؟؟ انتو جيتو ليه ما تسيبوهم يقولوا الكلمتين ..... طبعا كلنا تنحنا وأول واحد فاق كان العريس واتفتح فى الضحك واحنا كلنا وراه .. وقاله كلمتين إيه؟؟ إحنا فى مديرية الأمن"!!