"عز" عن نسب "طفلي زينة": "مش ولادي حتى لو معاها 100 حكم و100 شهادة ميلاد"

علق الفنان أحمد عز، على الحكم الصادر بتأييد نسب طفلي زينة له، قائلا: "لو معاها 100 حكم و100 شهادة ميلاد برضه مش ولادي".
وكتب عز، عبر صفحته على "فيس بوك": "مساء الفل يا عيلتي وأهلي، كتير سألوا عليا امبارح وانا بطمنكوا، أنا الحمد لله كويس وزي الفل وراضي باللي ربنا كاتبهولي كله، أنا كمان مش بس راضي أنا سعيد بالابتلاء اللي أنا فيه، عشان واثق في ربنا وفي نصره إن عاجلا أو آجلا".
وأضاف عز: "اللي انا فيه ده ما هو إلا رفع درجات بإذن الله، وطبعا أنا لا أعلق على أحكام القضاء، ومش هطلع اعمل دوشة، ولا اتكلم عشان أنا سايب حقي على ربنا العادل الحق".
وتابع عز: "اللي بقولهولكوا دلوقتي هو نفسه اللي بقوله من أول يوم في القضية، وهفضل أقوله لآخر نفس في عمري، وبشهد الله على كلامي ده، بل وأقسم بالله العلي العظيم إني متجوزتهاش ولا رسمي ولا عرفي ولا شفهي ولا ثانية، وإن شاء الله يكون معاها 100 حكم و100 شهادة ميلاد برضه مش ولادي".
واختتم عز: "بسم الله الرحمن الرحيم (ولا تحسبن الله غافلاً عما يعمل الظالمون إنما يؤخرهم ليومٍ تشخص فيه الأبصار) صدق الله العظيم".
يذكر أن محكمة مستأنف الأسرة، قضت الأربعاء الماضي، برفض الاستئناف المقدم من الفنّان أحمد عز على حكم محكمة الأسرة بإثبات نسب توأمه، وأيدت قرار محكمة أول درجة بإثبات نسب توأم الفنانة زينة (عزالدين وزين الدين) إلى والدهما المدعى عليه أحمد عزالدين علي عزت.