كلمات أغنية «بطل يا بطل» من مسلسل فهد البطل.. «أيوة عارف إني مستفز»

يُقدم الفنان أحمد العوضي شخصية «فهد» في مسلسل فهد البطل الذي تدور أحداثه في صعيد مصر، تبدأ القصة في أحد المحاجر، حيث يعيش «فهد» في عائلة تتصارع بسبب الثأر، ويهرب مع شقيقته «راوية»، ويعيشان حياة صعبة في الشوارع، قبل أن ينتهي بهما المطاف في الإصلاحية، ليعمل «فهد» لاحقًا في صناعة الرخام، ويقع في حب زميلته «كناريا»، لكن علاقتهما تصطدم بعقبات بسبب المنافسة المهنية بينه وبين والدها.
مسلسل فهد البطل في رمضان 2025
وطرحت منصة WatchIt عبر صفحتها الرسمية، الأغنية الدعائية الثانية لمسلسل فهد البطل المقرر عرضه في رمضان 2025، وهي أغنية «بطل يا بطل» من غناء وكلمات مطرب المهرجانات ميدو جاد الذي شارك في تلحينها مع محمد بوب، ونشرت المنصة الأغنية مصحوبة بتعليق: «أنا جيت يعني كله يقعد في البيت».
كلمات أغنية بطل يا بطل
وكلمات أغنية «بطل يا بطل» لمطرب المهرجانات ميدو جاد جاءت كالتالي:
بطل يا بطل فهد يا بطل
بطل يا بطل فهد يا بطل
أنا جيت يعني كله يقعد في البيت
فهد حضر كله على الويت
لما غيبت قالوا اختفيت أنا بغير زيت وجيت
يا هناه اللي ربه معاه ما ينساه
يلقى كل الناس دي معاه
تحبني أحبك في الله
أنا أجدع واحد تلقاه
ربنا يحمينا من الغش
واللي عايشها ب100 وش
القريب مش بيحن
ومننا كان بيجز
جز جز جز.. أيوة عارف إني مستفز
جز جز جز.. أنت تضايق وأنا أستلذ
نصيحة معايا متجيش
لاحسن هاكل عليك عيش
اللي فات ده تهويش
واللي جاي تلطيش
لو أنت جدع ف أنا أجدع
متربي ع الأصول مجدع
وبالحلال نسترزق
كسّاح في أخصامي بدبح
أنتي بس اللي بحبها ومفيش غيرك اللي بدمنها
رغم تعبي وهمي أنا مش بطمن إلا أما ابصلها
لو غابت عني أنا ثانية بلاقي نفسي لوحدي بحنلها
في الجمال واخدة لقب ملكة ومسميينها بطل جيلها
يالهوي يالهوي نظرة عينيكي بتموت
يالهوي يالهوي طب ليه بداري كده وبخبّي
ماقولش لحد يا عمي
عمي دراعي مش بيجلّي
لو سبته عليكو هيغربل
أسمراني وأبيض قلبي
فيه ناس كتيرة ماسكة فيها الغيرة مني
شطة نار ولعة باينة في النني
طلقة شوت جَن خصمي بيكّن
تبدأ الحرب أشبّط السنّ
يا بصاصين مالكو عينكو على رزقي
قلدني يا باشا أحسن ما تحسدني
ربنا كارمني واقف على رجلي
وأنت متغاظ ومني بتجز
جز جز جز.. أيوة عارف إني مستفز
جز جز جز.. أنت تضايق وأنا أستلذ
بطل يا بطل فهد يا بطل
بطل يا بطل فهد يا بطل
حضر حضر حضر يالا
فهد البطل فهد البطل يالا
فارس أسد وتد يسوق بلد
وفي الأصول فتحت مدرسة
خطر خطر خطر يالا
فهد البطل فهد البطل يالا
فارس أسد وتد يسوق بلد
وفي الأصول فتحت مدرسة
فريق عمل مسلسل فهد البطل
ومسلسل فهد البطل يشارك في بطولته مجموعة كبيرة من النجوم والنجمات، منهم: أحمد العوضي، ميرنا نور الدين، كارولين عزمي، عصام السقا، أحمد عبد العزيز، لوسي، صفاء الطوخي، محمود البزاوي، وغيرهم، والمسلسل من تأليف محمود حمدان، وإخراج محمد عبد السلام، ويتولى شادي مؤنس مهمة تأليف الموسيقى التصويرية في العمل.
ويقدم الفنان أحمد العوضي خلال أحداث مسلسل فهد البطل شخصية «فهد»، الرجل الصعيدي الذي يعمل صنايعي رخام، ولكن بسبب صراعات مع عائلته يهرب من الصعيد إلى القاهرة ليبدأ حياة جديدة.