الرئيس السيسي لوالدة الشهيد عمر القاضي: ربنا يتقبله في عباده الصالحين

وجّه الرئيس السيسي، الشكر لراندا عبدالمطلب، والدة الشهيد عمر القاضي، قائلا «ربنا يتقبل عمر في عباده الصالحين ويكون زخرا لكي يوم القيامة، وبشكرك باسمي وباسم كل المصريين، وبشكرك إنك ادتيني حاجة جميلة من ريحة عمر، وصدقيني هحتفظ بها بكل حب وتقدير».
وأضاف الرئيس خلال احتفالية عيد الشرطة: «صدقيني أنا مجبتش حق حد انتوا اللي جبتوا، وأنا محافظتش انتوا اللي حافظتوا وقبلنا رب العباد، كل نقطة دم وكل روح راحت لربنا وكل اللي قدم نفسه كل ده اللي حافظ ودي الحقيقة».
والدة الشهيد عمر القاضي تهدي الرئيس السيسي سلسلة نجلها
وكانت والدة الشهيد عمر القاضي، أهدت الرئيس السيسي، سلسلة تخص ابنها الشهيد عمر القاضي مكتوب عليها اسمه، خلال حفل عيد الشرطة ال73، المُقام في مقر الاحتفالية بأكاديمية الشرطة، الذي يشهده الرئيس السيسي وعدد من كبار رجال الدولة.
وأهداها الرئيس عبدالفتاح السيسي قبلة على رأسها تقديرا لها ولما قدمته للوطن.
وقالت والدة الشهيد للرئيس: «أنا متشرفة النهارده بوجودي مع حضرتك وبالتكريم اللي حضرتك بتكرمهولنا على طول، وعندي هدية غالية عليا عاوزة أهديها لسيادتك؛ سلسلة عمر وعليها اسمه، وعلشان حضرتك غالي عندي أهديتك حاجة غالية عندي، وبقول لحضرتك جبت حق عمر وكل شهيد في مصر ومتشكرة ليك جدا وكمل وإحنا في ضهرك وربنا يخليك لينا وتقضي على الشر وناسه».