بالفيديو| عفاف شعيب: "اللي مالوش خير في مبارك مالوش خير في اللي جاي"

نشبت مشادة كلامية بين الفنانة عفاف شعيب، والناشط السياسي طارق الخولي، أمس، أثناء مداخلة هاتفية من الفنانة لبرنامج "العاشرة مساء"، الذي يقدمه الإعلامي وائل الإبراشي، على قناة "دريم 2"، حيث وصفت الخولي ب"الأخ ده بتاع 6 أبريل"، مضيفة أنه من ضمن المتآمرين على مصر.
وهاجمت شعيب خلال مداخلتها الهاتفية الخولي قائلة، "إحنا بيحكمنا شوية عيال ولا إيه"، ووجهت حديثها للإبراشي قائلة "أنا زعلانة منك ياوائل بجد، عشان بتجيب ناس مش كويسة، لازم لما تستضيف حد تجيب ناس محترمة، محدش يهين الجيش، ومحدش يهين حسني مبارك اللي حكمنا 30 سنة، كنا عايشين في أمن وأمان واستقرار".
وأشادت شعيب بالقضاء قائلة: "لازم نحترم القضاء بتاعنا، القضاء قال كلمته والقاضي راجل محترم وصادق وقاري حيثيات القضية من أولها لأخرها"، كما استنكرت الإهانات التي توجه للجيش والشرطة والشعب ومبارك قائلة "اللي مالوش خير في حسني مبارك، مالوش خير في اللي جاي".