والد «النني»: مكلمنيش بعد الماتش وإن شاء الله ياخد أحسن دفندر بأفريقيا

علق الكابتن ناصر النني، والد نجم منتخب مصر وفريق الأرسنال الإنجليزي محمد النني، على أداء المنتخب الوطني أمام السنغال وأداء ابنه في المباراة النهائية ببطولة أمم أفريقيا، قائلا: «الحمد لله، ومنتخب مصر رجالة وبعتبرهم كسبوا البطولة، عاملين ماتشات قوية جدًا».
المنتخب لعب بطولة كبيرة وكلهم رجالة
وأضاف «النني»، خلال لقاء ببرنامج «من مصر»، المذاع على شاشة قناة «cbc»، ويقدمه الإعلامي عمرو خليل، «المنتخب كان عامل بطولة كبيرة أوي، بس ربنا ما أردش نكسب وبعتبرهم كلهم رجالة».
منتخبنا بقى قوي وعلى أعلى مستوى
وتابع: «كلهم أبطال ومحدش قصر، إحنا زعلانين على خسارة البطولة، لكن منتخبنا بقى قوي جدًا ولاعيبة على أعلى مستوى، وكان ماتش النهاردة ند بند قدام السنغال، وكلهم محترفين ولاعيبة تقيلة».
النني هياخد أحسن دفندر في أفريقيا
وكشف أن ابنه «النني» لم يتواصل معه بعد المباراة، «لسة مكلمنيش، بس أنا فخور به، أنه بإذن الله ياخد أحسن دفندر في أفريقيا، عامل ماتشات فوق الوصف، وإن شاء الله هنعوض في ماتشات تصفيات المونديال».
عاشور ملعبش في حتته وفيه إجهاد
وواصل: «إمام عاشور لعب النهاردة باك رايت، مش في حتته، بس أدى اللي عليه، ومحمود عبد المنعم ما شاء الله النهاردة، فيه إجهاد شوية عشان لعبوا ماتشات كتير، والمجهود البدني النهاردة مش عالي».
الإجهاد على اللاعيبة شيء طبيعي بعد 7 ماتشات
وأشار إلى أن الإجهاد في المنتخب الوطني شيء طبيعي نظرا لأنه لعب 7 مبارايات، «أنا معرفش كان نظام استشفا اللاعيبة كان عامل إزي في الكاميرون»، ليقاطعه الإعلامي عمرو خليل، قائلا: «كان في جرادل طورشي فيها تلج، إحنا جبنا الصورة دي، كتر خير الدنيا».
وخسر منتخب مصر لقب كأس الأمم الأفريقية بعد الهزيمة من السنغال بنتيجة 4 / 2 فى ركلات الترجيح، بعدما انتهى الوقتان الأصلي والإضافي بالتعادل السلبي فى المباراة التي جمعتهما مساء الأحد باستاد أولمبي فى نهائي بطولة كأس الأمم الأفريقية 2021 بالكاميرون.
وسجل لمنتخب مصر من ركلات الترجيح كل من أحمد سيد زيزو ومروان حمدي، بينما أهدر محمد عبد المنعم ومهند لاشين، وسجل للسنغال كاليدو كوليبالي وعبدو ديالو وبامبا ديانج وساديو ماني، بينما أهدر بونا سار.