بعد هجوم حلا شيحة.. تامر حسني من 14 عاما: «مش بتمنى أموت وأنا بغني»

أعادت الفنانة حلا شيحة، نشر مقطع فيديو للفنان تامر حسني، ضمن رسالتها النارية التي وجهتها له عبر حسابها على تطبيق الصور «إنستجرام»، بعد قيامه بطرح كليب أغنية «بحبك»، والذي ضم مشاهد متفرقة من فيلم «مش أنا» التي شاركت في بطولته.
قال الفنان تامر حسني في مقطع الفيديو الذي جاء خلال لقاء سابق مع الإعلامية إنجي علي، يعود لعام 2007، عند سؤاله عن الفكرة التي تسيطر على تفكيره طوال الوقت، «مش بتمنى أموت وأنا مطرب، عايز أغني شوية وخلاص بعد كدة، وده مش عشان أنا بعمل حاجة غلط ولكن عشان هو مش آخر أحلامي، عايز أعمل حاجات تانية أحسن من كدة».
تامر حسني: «الغنا مش آخر أحلامي»
ووجهت رسالة لتامر حسني، قائلة: «الفيلم عمل إيرادات ونجح بمقاييس الدنيا، بس لم ينجح بمقاييس الآخرة».
حلا شيحة ل تامر حسني: «جواك صراع لكن المهم تتدارك الغلط»
وتابعت حديثها: «إحنا كلنا عندنا اختبار في الدنيا، وأحب أفكرك بالفيديو ده يا تامر اللي قولت فيه أنا مش بتمنى أموت وأنا مطرب، أنا دايما خايف من كده، كلام أكيد قولته في لحظة صدق جواك وجوانا كلنا، شوفه تاني يمكن يفكرك إنك جواك أكيد في صراع، وأنا وكلنا بنغلط بس المهم في الآخر نتدارك الغلط ونصلح، يا سلام لو أصواتنا ومواهبنا كلها نستعملها في الخير عشان يبقي فن بجد».
وقالت شيحة، إنها تفاجأت بطرح كليب «بحبك» الذي يجمع مشاهد متفرقة من الفيلم، وفي أيام ذي الحجة المباركة، «بعد وعد تامر حسني ليا وتأكيده أنه هيحترم رغبتي»، على حد تعبيرها.