كل ما تريد معرفته عن «تحسين حركة مجرى قناة السويس».. وافق الرئيس عليه

استعرض الفريق أسامة ربيع، رئيس هيئة قناة السويس مقترح تطوير المجرى الملاحي لقناة السويس أمام الرئيس عبدالفتاح السيسي، اليوم، موضحا أنّ «ال17 كيلو الأولى من بورسعيد وحتى الكيلو 17 من قناة السويس بها ازدواج، ومن الكيلو 17 للكيلو 50 غير مزدوج بطول 33 كيلو مترا، وهذا الجزء مستطيل وليس به انحناءات، كما يسهل عبور السفن ويحتوي على أنفاق 3 يوليو ومحطة الكهرباء ومحطة معالجة بحر البقر وصحارة ترعة السلام والقنطرة شرق وكوبري السلام والمزارع السمكية، ثم تأتي قناة السويس الجديدة من الكيلو 50 للكيلو 122 بطول 72 كيلو متر وبها ازدواج ومن الكيلو 122 ل162 عبارة عن 40 كيلو ليس بها ازدواج حتى مخرج السويس، وبهم 10 كيلو بالبحيرات المرة الصغرى من الكيلو 122 للكيلو 132، ومن الكيلو 132 وحتى مخرج قناة السويس ليس بهم إزدواج ويحتووا على محطة مياه ونفق الشهيد أحمد حمدي وكوبري ومعدية الشط ومحطات مياه أخرى».
وأضاف رئيس هيئة قناة السويس، خلال حفل افتتاح الرئيس السيسي لعدد من مشروعات الهيئة، «المقترح اللي بنقدمه لسيادتك النهارده وسيادتك صدقت عليه إننا نعمل عمليات توسعة وتعميق في ال30 كيلو من الكيلو 132 للكيلو 162 ونعمل ازدواج في الكيلو من 122 ل132 بالبحيرات المرة، يعني نعمل ازدواج ونعمل قناتين في الكيلو 122 ل132 جهة الغرب وبالتالي يبقى عندنا قناتين بطول 10 كيلو ينضموا لقناة السويس الجديدة اللي هي 72 كيلو متر».
وأكد ربيع: «عمل الملاحة ده يافندم هيحسن من الملاحة في قناة السويس، وهيعادل 25% من ال40 كيلو من غير ازدواج، وهتزيد الطاقة الاستيعابية لقناة السويس بحيث تتحمل 6 وحدات ومراكب أخرى تمر بقناة السويس بعدد 3 مركب بكل قناة وأعمال التكريك في المنطقة دي 45 مليون متر مكعب».
وتابع ربيع، «القطاع من الكيلو 132 للكيلو 162 وهو 30 كيلو يتم عمل ازدواج وتوسعة وتعميق، توسعة 40 متر من جهة الشرق وتعميق من 66 قدم ل72 قدم، ما يحسن عبور السفن وزيادة مسطح القطاع المائي بحيث التيارات المائية والرياح المؤثرة على مؤخر السفينة أثناء دخولها هذا القطاع تقلل منه وتزيد قدرة المرشد والقبطان على قيادة السفينة بسهولة، ويقلل التيارات الملاحية القادمة من الجنوب وتصل من 4 ل5 عقدة».
واستكمل ربيع، «التحسين اللي بنعمله ده عبارة عن مساحة القطاع المائي على مساحة الجزء المغمور من السفينة، وأعمال الحفر الجاف التي ستتم عبارة عن 3 ملايين متر مكعب فقط، وأعمال التكريك 42 متر مكعب، والإجمالي لمدة التنفيذ 24 شهرل، ولو سيادتك أذنت وصدقت ممكن نشتغل في هذا المشروع بعد إذن حضرتك يافندم»، ليرد الرئيس السيسي عليه بإيماء رأسه بالموافقة.
وفي حديثه، قال الرئيس السيسسي، «اللي انتوا سمعتوه النهاردة عن تحسين حركة المجرى الملاحي في الجزء الجنوبي، الجزء اللي حصل فيه المشكلة، نقول إنه آخر 50 كيلو، سواء ال10 الموجودين في البحيرات المرة أو على امتداد الجزء الآخر حتى خليج السويس».
وواصل الرئيس: «كنت أتمنى إن اللي يعمل الشغل كله هيئة قناة السويس، يعني عندنا كراكات كبيرة وعملاقة، وفي كراكة هتنضم للأسطول في شهر أغسطس، وبالتالي ممكن إحنا كهيئة بمواردنا ومعداتنا نقوم بالعمل ده، وممكن نستعين ببعض الشركات».
وأوضح الرئيس السيسي: «هل المدة 24 شهر؟ أتمنى المدة أقل من كدة، أنا مش عايز ألزم ومش عايز أحشد موارد ضخمة جدا لعملية التوسعة، إحنا هنتحرك ونشتغل بإمكانيات الهيئة وممكن الاستعانة ببعض الشركات لو تم تقديم عروض مناسبة لموضوع التكريك اللي انتوا عايزين تعملوه ده خلينا ننطلق ونتحرك فيها ونعملها، وأظن إننا مش محتاجين نعمل تاني كده يا دكتور مصطفى».