شريف إكرامي: «بنعيش في زمن فيه تنمر جامد.. ومبقفلش التعليقات»

قال اللاعب شريف إكرامي، حارس مرمى النادي الأهلي الأسبق، إن كل شخص له أكثر من وجه، لافتا إلى أن هناك فئات يتحدث معهم الشخص باحترام ولكن فئات أخرى تفهم أن الاحترام ضعف لذا يتم تغيير طريقة المعاملة معهم.
وأضاف «إكرامي» خلال استضافته في برنامج «العرافة» المذاع على فضائية «المحور» وتقدمه الإعلامية بسمة وهبة، أنه يتعامل مع الجمهور الذي ينتقده بوجه واحد، لا يوجد به مشاعر، ولكنه يضم الحكمة التي تبني جسر احترام مع الناس وليس حبا.
وتابع حارس مرمى النادي الأهلي الأسبق: «مراتي تعبت من كتر المعاناة والضغط العصبي والمعسكرات لأنني شخص مش متواجد دايما، وحصل موقف سلبي لابني ياسين، وكنت حابب أعلمه حاجة وهو دلوقتي عند 12 سنة وبيقرأ رسائل فيها تجاوز في حقي على مواقع التواصل الاجتماعي وده غير وعي، وسألني ليه بيبعتولي كده، إحنا بقينا في زمن في تنمر جامد والناس بتشيد أو بتجرح كتير وهو بيشوف الشتايم وكان بيزعل أوي خصوصا لو شاف رد فعلي خصوصا إن الإبن بيستمد شخصيته من شخصية أبيه، بس أنا بشوف إن طالما أنا بعمل اللي عليا مش مهم الناس تقول إيه على السوشيال ميديا وعشان كده أنا سايب السوشيال ميديا زي ما هي، ومبيقرفش معايا اللي بيحصل عليها ومبقفلش التعليقات وأنا مش بخاف من الهجوم لإني بطلع وأتكلم».
وأوضح أن الجمهور يكون غاضبا في أوقات كثيرة، مشيرا إلى أن هذ الجمهور له فضل على عائلة إكرامي وكنت حريص على تنمية شخصية ابني حتى لا يفرق معه كلام الناس.
واستطرد: «الكابتن مهدي سليمان أنا عندي تجاه مشاعر إنسانية كبيرة، وأنا كنت بتكلم عنه كويس قبل ما أروح بيراميدز، والكرة مفهاش ظلم فيها رزق، ولو واحد مش قادر يقيم الواقع صح فبيحط نفسه في مكانه تانية، وأنا مش هرد علي اللي قاله أنا ياما اتهاجمت من حراس أسماءهم أكبر من مهدي ومكنتش برد عليهم وأنا عمر ما كانت علاقتي بالحارس زميلي بالفريق كانت وحشة ودي حاجة مضايقني جدا».