ساندت الفنانة رنا سماحة زميلتها الفنانة شاهيناز، بعد أن هاجمها الموسيقار حلمي بكر فى برنامج العرافة، الذي أساء لموهبتها الفنية، بعد أن كان عنصرا رئيسيا في اكتشافها مع بداية الألفية في برنامج «ستار ميكر.. سمعنا صوتك». شاهيناز بعد هجوم حلمي بكر عليها: «رأيه ميهمنيش» كانت شاهيناز، أطلقت بيانا عبر صفحتها، ردا على حلمي بكر قالت فيه: «أصدقائي ومتابعيني الأعزاء، وكل الجمهور والناس بيحبوني اللي من امبارح رسايلهم واتصالاتهم لم تتوقف، وبيطالبوني أني أخرج أرد على تعليقات الملحن حلمي بكر، اللي صدرت منه عني، وفي حقي أمس من عدة ساعات في أحد البرامج، وكما لو كانوا بيطلبوه في البرامج، علشان يطلع يتكلم ويهاجم الناس، وأولهم أنا، مقدرة محبتكم وغيرتكم عليا جدا، وانتوا بعد رب العالمين اللي لكم فضل في صناعة اسمي المتواضع، واستمراريتي لحد النهاردة، لكن أنا عايزة أقولكم أيه الجديد؟!». وأضافت: «هو كل ما يطلع في برنامج بيتكلم عني، وبيقول رأيه، وبعض الادعاءات اللي اتفاجأت بأخرها امبارح، وهو بيقول كلام غريب مش هدخل في تفاصيله.. أنا أحب أطمنكم واقولكم أن كلامه ورأيه فعلا ميهمنيش، ويكفي أن الناس اللي متابعة عارفة الحقيقة، وعارفين أنه كان في لجنة تحكيم ستار ميكر، وسمعني بدل المرة عشرة، وكان رأيه ساعتها مختلف، عموما أنا ببص قدامي وبس، ودائما باخد الهجوم والنقد الهدام سلم، بطلع بيه خطوة أعلى في شغلي وحياتي المهنية.. شكرا لمحبتكم». وهو ما استوجب دفاع رنا عنها، فقالت: «هو حلمي بكر بيعمل ايه معلش في المزيكا؟! آخر لحن عمله امتى؟! فكك يا حبيبتي هو بقى معتمد على الشو ده، عشان يفضل موجود والناس فاكراه»