وزير التعليم عن الامتحان التجريبي: ياريت الناس متشغلش نفسها بالتفاصيل

أكد الدكتور طارق شوقي، وزير التربية والتعليم والتعليم الفني، أن خطة تطوير التعليم تسير وفق المخطط له، قائلًا: «الثانوية العامة بتمثل بعبع في مصر واحنا بنحاول نغير هذا المفهوم بشدة وماشيين في ذلك الطريق في الوقت اللي دول العالم كلها الدراسة متعثرة، إلا أنه فى مصر احنا بنعمل امتحان تجريبي بدأناه النهاردة وكمان مستمر الثلاثاء والخميس».
وأضاف شوقى خلال مداخلة هاتفية مع الإعلامي عمرو أديب في برنامج «الحكاية» المذاع مؤقتًا عبر منصة «شاهد»: أن الامتحان التجريبي الذي عٌقد أمس هو الأول وسيكون هناك امتحان تجريبي آخر فى مايو المقبل وامتحان ثالث فى يونيو، لافتًا إلى وجود 3 امتحانات تجريبية بهدف الوصول إلى حل لا يقبل القسمة على اثنين».
وتابع: «أي حد يدخل الامتحان النهائي اللي هيبدأ 4 يوليو مفيش طالب هيدخل اللجنة ومش هيطلع إلا وهو ممتحن وواخد فرصته العادلة زي زملائه أيًا كان طريقة الامتحان وياريت الناس متشتغلش نفسها بالتفاصيل ويتركوا ده لينا».
ووجه الوزير رسالة لأولياء الأمور قائلا: «انا بطمنهم تماما أن أي طالب داخل ثانوية عامة كل المطلوب منه دلوقتي يحضر ويركز على التحضير وميشغلش باله ولا نعمل الهيصة دي على أمور فنية احنا بنتعامل معاها مش احنا لوحدنا ومعانا وزارة الاتصالات وأجهزة سيادية وجيش من المهندسين والهدف من تجربة الامتحان التجريبي هدف تقني بحت وطبعا مش كل حاجة بنقولها».