عمرو أديب مشيدا ب «الاختيار 2»: مسلسل كبير وفي قمة الواقعية

أشاد الإعلامي عمرو أديب بمسلسل «الاختيار 2»، واختيار الفنان كريم عبدالعزيز وأحمد مكي للعب دور البطولة، قائلا: «بردو بقول تاني، التوليفات، كان ممكن يجي أي حد تاني، أي مكي آخر أو أي كريم آخر، لكن الاتنين كل واحد فيهم كان بيعمل مسلسل بس هما الاتنين داخلين يشيلوا مسلسل كبير وتقيل، النجوم بتوصل الرسالة، والنجم لما يكون على الشاشة تحب تشوفه، كريم عبدالعزيز وهو بيتحرك، ولما قاله فراج (أنت ناوي تكهربني؟) فرد عليه كريم وقاله (هو أنتوا خليتوا كهربا ولا مياه)، شوف كريم وهو بيرمي الجملة والإيفيه».
وأضاف «أديب»، خلال برنامجه «الحكاية»، المذاع على منصة «شاهد»، أن كريم عبدالعزيز وأحمد مكي لديهما القدرة في بقاء أعين المشاهدين على الشاشة، لافتا أن «الاختيار 1»، كان يركز على أحداث في سيناء لم تكن معروفة للمواطن العادي، بينما في «الاختيار 2»، أحداث عاشوها، «كنا عارفين إيه اللي بيجرى في الوقت ده، كنا فاهمين وشايفين، وجمال المسلسل دة حاجة تحترم».
وتابع: «تقولي يا عمرو أنت محترم إيه في المسلسل دة ؟ أقولك أن اللي كاتب بكل شفافية قال إن كان جوه الشرطة المصرية ناس كانت بتشتغل مع الإخوان، وخونة، قمة الواقعية في المسلسل ومخافوش، أنا بحيي المسلسل على دة لأن الناس نساية وبتنسى أفكرك مين كانوا دول وبيعملوا فينا وفي البلد إيه، وإزاي كانوا بايعين بعض كلهم، أنا أعرفهم بالاسم مين باع مين كنا موجودين».
عرض مسلسل الاختيار 2 عبر قناة «أون» لأول مرة الساعة 9، وفي الإعادة 2 صباحا وإعادة ثانية في الثالثة والنصف مساءً، أما العرض الأول على قناة «أبو ظبي» فيكون 11 مساء، وعلى قناة «إيه آر تي حكايات» العرض الأول 11 مساء، والثاني 7 صباحا والثالث 3 مساءً، كما يعرض عبر تطبيقي «واتش إت» و«شاهد في آي بي».
مسلسل «الاختيار 2»، من بطولة كريم عبدالعزيز وأحمد مكي وإنجي المقدم وأسماء أبو اليزيد وبشرى وإياد نصار، وغيرهم، بالإضافة إلى عدد من ضيوف الشرف، منهم نضال الشافعي ومحمد محمود عبدالعزيز، وهو من تأليف هاني سرحان، وإخراج بيتر ميمي.