وجه الرئيس عبدالفتاح السيسي رسالة للإعلام المصري، قائلا: «أنا ليا توصية عندكم.. من يومين تلاتة كنا بنتكلم عن الدلتا الجديدة، وأنا شوفت الإعلام بيتناولها إزاي في الجورنال بشكل مش مفصل، لو عاوزين بيانات البيانات موجودة على الموقع الرئاسي بتفاصيل كل المشروعات، ولو تواصلتو مع الجهات المعنية هتديكو كل البيانات، لكن بنتكلم في مليون ونصف فدان، وخلال سنتين ونصف هنكون زرعينهم على طريق الضبعة شمالا وجنوبا، والمية دي اللي هنستخدمها هي المياه المعالجة الثلاثة المطورة حتى تصلح للاستخدام في الزراعة، وهو ما تم في 3 مناطق بمصر أولها المحسمة بمليون متر يزرع 50 ألف فدان شرق القناة، والمية دي كانت بتترمي في بحيرة التمساح وتعمل تلوث». وأضاف الرئيس خلال مؤتمر صحفي على ضفاف قناة السويس، أنه «في شهر 6 المقبل هيكون محطة بحر البقر، وهي محطة 5.6 مليون متر في اليوم ودي كانت مية صرف بتترمي في المنزلة هنآخدها شرق القناة بمحطات معالجة وهيزرعوا حوالي 500 ألف فدان»، مشددا على أن «الإعلام لازم يرصد ده ويتكلم فيه علشان تعززوا بلدكوا وتقولو البلد بفضل الله بتتحرك للأمام وبقوة وإصرار وقدرة وفهم وتخطيط وتنفيذ كبير أوي». وأوضح «السيسي» أن الصوب الزراعية تؤدي إنتاج للخضراوات في مصر 100 ألف طن، بما يعني 100 مليون كيلو: «ده يا دوب تشغيل جزء من الصوب.. ده معمول للناس في مصر ولو في فرصة للتصدير نصدر، وده اللي خلى هناك شكل من أشكال الاستقرار»، مشيرا إلى المياه التي كانت تلقى بالماكس بالاسكندرية، والتي ستعالج ب6 ملايين متر باليوم، وتصبح صالحة للإستخدام بالزراعة، ويزرع بها في محطة الحمام التي ستزرع مليون فدان: «بتكلم أكثر من مليون فدان بمنطقة الضبعة و600 ألف فدان بتوشكى و500 الف فدان شرق سيناء». وتابع الرئيس: «من حقكوا تطلبوا تروحو تصورو وتشوفا اللي بيحصل ده، حوالي 2 مليون فدان خلال سنتين أو 3، بالإضافة للمشروع السابق اللي أطلقناه وشغال بس مش بالمعدلات اللي بنتمناها، احنا ادينا للمستثمرين الأرض وبنتابع الشغل وفي نجاح، ولكن المرة دي دخلنا الدولة بشركات القطاع الخاص تعمل كل شئ وبقول للمستثمر كل حاجة خلصت واشتغل، وكل ده بمية جديدة أعاد صياغتها، محطة بحر البقر بتوفر فوق 2 مليار متر مية كانت بتترمي في المنزلة تلوثها». وأكد الرئيس السيسي: «بنعزز ما لدينا علشان أواكب الزيادة السكانية.. ده سياق لملف يتفتح يآخد حلقة واتنين ويآخد في الجورنال مقالة واتنين وتلاتة حتى تعطي للمواطن المصري المعلومة وتجيب متخصص يناقشه ويكون قاري الموضوع كويس.. دي توصيتي للإعلاميين انقلوا اللي بنعمله للناس علشان الأمل والثقة بالنفس إنه المصريين قادرين يعملو تغيير حقيقي لبلادهم».
