سيدة بالأقصر: «حياة كريمة عملولي بيت وعملية في عيني وبقيت بشوف»

نشر الحساب الرسمي لمبادرة «حياة كريمة» الرئاسية على فيس بوك، فيديو جديد يتضمن العديد من اللقاءات مع أهالي مركز القرني، وتحديدا قرية القبلي قامولا، بعد دخول القرية ضمن المشروع القومي «حياة كريمة» لتطوير أكثر من 1000 قرية على مستوى الجمهورية برعاية رئيس الجمهورية.

وقالت إحدى المستفيدات من «حياة كريمة»، إنها كانت تعيش بمنزل قديم مبني بالطوب، عبارة عن غرفة واحدة وحمام صغير: «لما كان بييجي الشتاء كنت بقول لبناتي اطلعوا ناموا برة علشان كنت خايفة عليهم من المطر، ووضع البيت، لكن لما جت حياة كريمة، عملولي البيت الجميل اللي ماكنتش أحلم بيه طول عمري».
وأضافت: «بنتي الكبيرة بتقولي أنا فرحت لما اتخطبت بعد ما بنينا البيت، علشان لما ييجي خطيبي ييجي في مكان نضيف، وجت مبادرة حياة كريمة وعملتلي عملية في عيني، وبقيت بشوف بيها كويس خالص».
وتوجهت سيدة الأقصر، بالشكر للرئيس عبدالفتاح السيسي: «مش عارفة أقوله إيه.. الأول جابلنا القبض، ودلوقتي بنا البيوت لينا، وعملت العملية.. جابلنا الدقيق ببلاش والتموين ببلاش، ربنا يخليه لينا يارب».
وكان المستشار مصطفي ألهم محافظ الأقصر، قد تفقد سير العمل بالمشروعات الجاري العمل بها ضمن المبادرة الرئاسية «حياة كريمة» بمركز أرمنت، ورافق المحافظ خلال جولته اللواء دكتور عماد أبو العزايم سكرتير مساعد محافظة الأقصر، وعلي عثمان نائب رئيس مركز أرمنت.
واستمع المحافظ، إلى شرح عن سير العمل بمدرسة الشهيد محمد رأفت الصن الرسمية لغات بأرمنت، والتي تضم المراحل التعليمية بدءا من رياض الأطفال حتى الثانوية، بواقع 42 فصلا دراسيا على مساحة 3155 مترا مربعا، وتصل مدة التنفيذ إلى 11 شهرا.