"نساء الإخوان" بالإسكندرية حاولن الفتك ب"زينب" لرفضها الانضمام لهن

"انزلي بسرعة وتعالي معانا، اللي مش نازل هنطلع نجيبه من بيته"... استوقفت هذه الكلمات زينب محمد، أحد أهالي برج العرب في الاسكندرية، والتي سمعتها من نساء جماعة الإخوان أثناء مرور مسيرة لهن طالبن خلالها الأهالي بالنزول من بيوتهم والتضامن معهن.
وقالت زينب :" صحيت على صوتهم العالي من الفجرية وطلعت من البلكونة لقيتهم كلهم ستات، رافعين اشارات رابعة وبيهتفوا ضد الجيش ويشتموا أي حد معارض ليهم".
"نساء ضد الانقلاب"، اللافتة الجديدة التي حملها العشرات من سيدات الإخوان في مسيرتهن، حيث التقطت الشابة الثلاثينية صورة للمشهد، وقالت :" كل جمعة بينزلوا عادي بعد الصلاة وبيبقى معاهم رجالة وشباب، المرة دي كانوا ستات بس، ونزلوا من الفجر ولا همهم حاجة"، وتابعت :" قررت إني أصورهم من البلكونة عندي، عشان الناس تعرف الفرق بين ستات الإخوان والستات العاديين، وأنهم نازلين يهددونا عشان نشاركهم مش نازلين يصلوا الفجر زي ما بيقولوا للناس في حتتنا".
"زينب" أصابها الرعب وعلقت على المسيرة :" لما واحدة منهم شافتني ماسكة الكاميرا وبصورهم قالتلهم ولقيت الكل بص عليا وستات منهم حاولوا يفتحوا باب العمارة بس ربنا ستر وكان مقفول بالمفتاح وفضلوا يعلوا صوتهم من تحت ويقولولي انزلهم لحد ما البواب طلع وحاول يبعدهم عن العمارة فقاموا اتجمعوا عليه وضربوه".
وطالبت حكومة الدكتور إبراهيم محلب بسرعة ايجاد حلول تمنع الإخوان من إثارة الرعب والزعر في قلوب المواطنين أثناء مظاهرتهم في الشوارع، قائلة :" يعني حكومة الببلاوي نشفت دمنا عشان يطلعوا عليهم أنهم جماعة إرهابية باللي بيعملوه ودلوقتي مبيمنعوش العنف والزعر اللي بيعملوه معانا في كل حته بنروحها ليه".
وتابعت :" أنا مش ضد إنهم يتظاهروا عشان معترضين على أي حاجة في البلد بس معترضة إني بقيت عايشة في بيتي زي كل الناس وخايفة إني اتقتل بخرطوش أو رصاصة من اللي بيحدفوها على الناس في بيوتهم".