فيديو.. هشام سليم ل"نجله المتحول جنسيا": أنا موجود علشانك

قال نور سليم، نجل الفنان هشام سليم، المتحول جنسيا من فتاة لشاب إنه لم يقرر الظهور إعلاميا ولكن الإعلام هو من بحث عنه، وهو يتحدث الآن لتوضيح إحساسه وما مر به وتجربته.
وأضاف "أنا مجرد بني آدم وعاوز الناس تفهم أنا مريت بإيه، واللي عملته ده مش حرام كنت بحاول أبقى بني آدم كويس، واللي مختلف معايا يحاول يتكلم معايا ويفهمني وأنا مصري وهفضل مصري ومش هسيب البلد ومش عاوز أسيب البلد، حاولو تفهموني ومتكرهونيش من غير ماتعرفوني".
وتابع نجل هشام سليم خلال حديثه ببرنامج "جعفر توك"، المذاع على "DWعربية"، "في ناس كتير في مصر حاسة باللي حسيته ومش عارفة تتكلم وأنا بحاول أكون الصوت ليهم، وهعمل أي حاجة علشان أساعدهم".
وأوضح الفنان هشام سليم أنه حينما ظهر في برنامج "شيخ الحارة"، وتحدث عن تجربة ابنه في التحول الجنسي، تواصل معه ابنه وقاله له إنه يشعر أنه ولد لغرض معين ولا يعلم ماهو.
ووجه هشام سليم رسالة لابنه نور: "أنا بحبك وهفضل أحبك غصب عن أي حد.. أنت ابني وأنا اللي جبتك في الدنيا وأنا اللي لازم أقف جنبك ولو أي حاجة حصلت أنا موجود علشانك، وحياتك كانت صعبة وهتبقى صعبة ولكن اللي أنت وصلتله بنفسك لحد النهاردة محتاجة راجل وشخصية وهدف وأنا متأكد أنك هتحققه".
ورد نور سليم رسالة لوالده: "شكرا ليك يابابا ولولاك مكنتش هوصل للي وصلتله وطول حياتك بتعمل اللي تقدر عليه وأنت أبويا وهتفضل أبويا".