أحمد فلوكس يرد على منتقديه: "متكلمتش في السياسة عشان أبقى تريند"

تحدث الفنان أحمد فلوكس، عن الجدل الذي أثاره بسبب حديثه في السياسة، عقب عرض فيلم "الممر"، خلال حواره مع المخرجة إيناس الدغيدي، مقدمة برنامج "شيخ الحارة والجريئة"، الذي يعرض على قناة "القاهرة والناس".
المخرجة إيناس الدغيدي، سألته عما إذا كان سبب حديثه في السياسة، رغبته في أن يكون "تريند"، ليرد قائلًا: "مليش في الكلام ده، حتى في شغلي".
وأضاف: "والدي بيقرأ كتير، وأنا قرأت بالتبعية، لكن مليش في السياسة ومش هخش حزب، ولكن وقت اللي حصل أي بني آدم طبيعي هيتكلم، ومحبتش الإدعاءات اللي طلعت، وكان واجبي إني أوعي جمهوري الصغير".
وتابع: "لما عملت الفيلم، شفت عساكر، صف ضباط، ضباط، وقادة، وهم ناس محترمة بيسيبوا بيوتهم وبيقعدوا في الصحراء، زي دلوقتي، وإحنا في عز كورونا، وفي رمضان، والإرهابيين حطوا مفرقعات، أي بني آدم طبيعي هيتكلم ويقول اللي أنا قلته، لأن دول مش بيبنوا لكن بيهدوا، ودي ناس بتحافظ وبتبني، والجيش هو اللي عمل النظام وعمل نظام محترم للدولة، اللي محمد علي اتكلم عليه، وأنا اتكلمت بإحساس قوي وأعتقد أن الرسالة وصلت".