ريهام حجاج تتبرع بمليون جنيه ل"الصحة" لمواجهة فيروس كورونا

أعلنت الفنانة ريهام حجاج، تبرعها بمليون جنيه لوزارة الصحة المصرية، في إطار مجابهة فيروس كورونا المستجد، وذلك من خلال مقطع فيديو نشرته على صفحتها الشخصية بموقع "إنستجرام".
وقالت في الفيديو: "مساء الخير عليكم، وحشتوني جدا، بقالي كتير متكلمتش معاكم، مكنتش حابة أدخل أتكلم معاكم في موضوع زي كورونا، محدش كان يتخيل اللي بيحصل، للأسف إحنا في أزمة كبيرة أوي أوي أوي وكارثة عالمية، المرحلة اللي إحنا بنمر بيها دلوقتي شوفنا دول تانية بتمر بيها منها اللي التزم وقعد في البيت زي الصين وعدت المرحلة ودي كانت تجربة ناجحة جدا ومنها اللي استهتر وللأسف بقى يدفنوا كل يوم فوق ال400 بني آدم".
View this post on Instagram
A post shared by Riham Hagag (@rihamhagag) on Mar 22, 2020 at 10:40am PDT
وأضافت: "أنا زعلانة جدًا على إيطاليا واللي حصل فيها لأنها تعتبر بلدي أنا مش عاوز أشوف ده في مصر، وأي حد مش عاوز يشوف ده يحصلنا، من فضلكم التزموا واقعدوا في البيت عشان نحاصر المرض، هتقولي الناس اللي بتنزل عشان أكل عيشها ويوميتها ده واجبنا الاجتماعي أي حد قادر لازم يساعد، الأزمة دي مفيش فرق بين الغني أو الفقير أو أسمر أو أبيض غير الضمير والرحمة، لازم نبقى عندنا ضمير ومنخرجش من البيت ويكون عندنا رحمة ونحس باللي حوالينا".
وتابعت: "لقاء الخميسي اتحدتني في حملة الخير، وأنا قبلت التحدي، وهتبرع بمليون جنيه لوزارة الصحة المصرية وبتحدى محمد حلاوة، تامر مرسي، نيللي كريم، وخالد النبوي".
ووجهت رسالة للمواطنين: "عاوزه أقولكم على حاجة، أنا هفضل أبص على كل رسائل اللي بتتبعتلي على إنستجرام، مش هقدر ألبي الناس كلها أكيد، بس فيه ناس كتير أوي أوي هقدر أساعدها، أي حد محتاج دواء أو خزين البيت أكل أو شرب يبعتولي رسائل، وأنا على قد ما أقدر أساعد هساعد".