والدة حسن شاكوش توجه رسالة لهاني شاكر: ياريت تقبل اعتذاره

قالت والدة مغني المهرجانات حسن شاكوش إن نجلها وأصدقاءه يقيمون حفلات خلال الأعياد كل عام في شارع ناهيا، وكل أهالي المنطقة تحضر هذه الحفلات، متابعة: "في حفلة الاستاد العيلة كلها كانوا في البيوت فاتحين التلفزيونات عشان يتفرجوا عليه".
وعبرت والدته، خلال لقاء ببرنامج "كل يوم"، المذاع على شاشة "ON"، الذي تقدمه الإعلامية بسمة وهبة، عن حزنها من قرار الفنان هاني شاكر نقيب المهن الموسيقية بمنع ابنها من الغناء وأزمة مهرجان "بنت الجيران"، قائلة: "زعلانة، وهما أتأسفوا، هو وعمر كمال، وياريت الأستاذ هاني شاكر يقبل اعتذارهم، ابني بقاله 3 أيام بيروح يرد للناس فلوس عرابين الأفراح، ولما راح النقابة أدوله الوصل اللي اشتغل بيه، واشتغل وبقى تمام وغنا له الحلم الجميل واتبسط منه وقاله أنت حلو يا حسن وتاني يوم قاله أنت وحش يا حسن".
من جانبه قال أحد أفراد أسرة حسن إن شاكوش اجتهد مثله مثل بقية الشباب، موضحا أنه كان يعشق كرة القدم، "كان نفسه يبقى حاجة في الكورة بس كل شيء بتاع ربنا، لو ابنك غلط غلطة بسيطة أنت ممكن تحذره، استاذ هاني شاكر المفروض يعتبر أن دول ولاده".