قال الفنان محمد رمضان، إنه لديه فيديو للطيار الموقوف أشرف أبو اليسر حال نشره قد يتسبب له في السجن بتهمة جنائية، "بس أنا مش مؤذي عشان أنشره، أنا شايلة للمحكمة، أنا مش بحب أسلوب لوي الدراع، وإني لازم أدفع فلوس يعني وخلاص". وأضاف "رمضان"، خلال حواره في برنامج " التاسعة مساء"، الذي يُعرض على شاشة "التليفزيون المصري"، مع الإعلامي وائل الإبراشي، أن الطيار المفصول هو من لجأ للقضاء المصري، " أنا بثق بالقضاء المصري، أنا لا اتكلمت على السوشيال ميديا ولا عملت حاجة، هو اللي اتكلم وقالي أني صورت غصب عنه، نزلت الفيديو إنه كان بيضحك وأحنا بنتصور وبيقول أنا الحكومة". وتابع: "لما الناس تقعد تهاجمني ومتتكلمش ولا تعلق على جملة الطيار اللي قالها (أنا الحكومة) ده يعتبر أكبر دليل أن فيه ترصد ضدي، الكابتن لم يقدم طعنا على سحب تراخيصه مدى الحياة، هو مش عاوز يرجع الشغل، هو لجأ للقضاء يقاضيني أنا عشان ما اديتلوش فلوس". وواصل: "لو حصل مشاجرة في الفصل واتفصلت من المدرسة، المفروض أروح لمدير المدرسة أعتذر له وأقوله أنا آسف، مش أروح لصاحبي اللي اتخانق معايا".