عمر كمال عن قرار شاكر: أكل عيشنا هيتقطع.. وماضيين شروط جزائية

علق مطرب المهرجانات عمر كمال، على قرار الفنان هاني شاكر نقيب المهن الموسيقية بمنع التعامل مع مطربي المهرجانات وأنهم لن يحصلوا على عضوية النقابة سواء كعاملين أو منتسبين، حيث قال "كل الاحترام والتقدير لهاني شاكر والنقابة بتاعتنا، ونقيب الموسيقين، لكن أنا مظلوم جدًا في الموضوع ده".
وأضاف "كمال"، في تصريحات خاصة ل "الوطن"، أن هذا القرار يتسبب في قطع عيشه، وكذلك الفرقة الخاصة به المكونة من 18 شخصا، "دول هيقعدوا في بيتهم كده، قدمنا اعتذار عن بعض الكلمات في أغنية بنت الجيران، وعدلنا الأغنية واللي حصل في ستاد القاهرة كان تسرع مش أكتر، ولو حد غلط غلطة واحدة ممكن نقومه مش ندبحة".
وطالب مغني المهرجانات، الفنان هاني شاكر، نقيب المهن الموسيقية بتطبيق روح القانون عليه، "استخدموا روح القانون معانا، إحنا بنخسر كتير وفيه شروط جزائية ماضيينها، ومحدش يرضى بقطع العيش، أنا عضو نقابة موسيقيين ومن حقي أغني، إحنا غلطنا ودي أول غلطة في حياتي، مش معقول هقعد في البيت عشان غلطة واحدة".
وتابع: "أعمل إيه طيب عشان أشتغل، هاني شاكر أب وأخ لينا، وكلنا بنتعلم منه، أنا بستسمحه إنه يبص لينا بعين رحمة ويطبق علينا روح القانون، أنا بسدد رسوم النقابة وبجدد باستمرار، ومش هنكرر الغلطة دي تاني، ونتأسف على اللي حصل في الاستاد".