كشف الفنان الصاعد عمر كمال، مصير الحفلات التي تجمعه مع مُغني المهرجانات حسن شاكوش، خلال الفترة المُقبلة، لاسيما بعد وقوع خلافات بينهما، بسبب مهرجان "بنت الجيران". وقال "كمال"، خلال ندوته في "الوطن"، إنه سيُقدم الحفلات التي تعاقد عليها مع "شاكوش"، قائلًا: "ده شغل بعيد عن الخلافات"، لافتًا إلى أنه انتهى من تسجيل أغنيتين مع "شاكوش" مؤخرًا: "أنا اتضايقت من الحركة اللي عملها معايا، لكن من الوارد، أن نتعاون سويًا خلال الفترة المُقبلة". وأشار إلى أنه تلقى اتصالًا هاتفيًا من "شاكوش"، بشأن الوقوف على تفاصيل الخلاف، قائلًا: "أنا عاتبته عشان زعلان منه، الناس عارفة إن فيه اتنين بيغنوا المهرجان مش واحد بس، ليه بيتم تهميشي؟.. أنا عاوز حقي الأدبي بس". وأشار إلى أنه شريكًا أساسيًا في هذا المهرجان، منذ الأيام الأولى في تنفيذه، لافتًا إلى محاولات أحد الأشخاص لحذف المهرجان، من موقع الفيديوهات الشهير "يوتيوب"، في أول أيام طرحه، حتى استجاب الموقع، وغلقه لمدة 4 أيام متواصلة، قائلًا: "كان فيه واحد عاوز يحذفه خالص، لكن أنا كنت بتعب، وأسأل وأسعى إن المهرجان يطلع للناس عشان فرحان بالنجاح وبالمهرجان، وفي الآخر يتم تهميشي؟". وفتح عمر كمال النار على مطرب المهرجانات حسن شاكوش بعد أن تعمد الأخير الظهور تليفزيونيا بدونه، وكتب، صباح اليوم، عبر حسابه على فيسبوك: "مهما حاولت تبعد عمر كمال عن الصورة.. في برامج ومقابلات وأخبار وفي كل حتة.. الناس عارفة كويس جدا مين بيغني إيه". وتابع في المنشور: "وعارفة إن (سكر محلى محطوط على كريمة) (بنت الجيران شغلالي أنا عنيا).. كوبليهات عمر كمال.. المصريين فاهمين وناصحين وقاريين كل حاجة.. حوّر وغير عنوانين وخد تعب غيرك.. ربنا الغني عن كل حاجة".
