م الآخر| الحب نعمة

ياللي بتقولوا الحب نعمة
شفتوا ايه حلو فليالي
تبقي فيها الدنيا نايمة
وانا اللي سهرانه بخيالي
أسأل هييجي واشوفه بكره
ولّا هيكون مع حد تاني
ولسه بتقولوا الحب نعمة
لسه بتقولوا أنه غالي
دنا حتى دقته خلاني لعبه
جنني منه من يوم ما جالي
ياللي هتقولوا إن غيرتي
هي دايمًا مدوقاني
نار وهي سر حيرتي
وأكتر كمان منسياني
إني يوم ماعرفت حبه
قلت إنه حد تاني
غير أي واحد قبله شفته
وهو اللي هيحلي زماني
وبردو هتقولوا الحب نعمة
وتاني هتقولوا إنه غالي
دا أنا بردو وحياتكو أما دقته
خلاني أقول ياريت ما جاني
من كتر حبه أنا منه خايفه
الغيرة تقتلني ف مكاني
فاضل ثواني وييجي بكره
وياويله لو ينسى معادي
ولا عمري تاني هديله فرصه
ويبقه يتحمل بعادي
ما هو كل حاجه شايفها سهله
يطلب يشوفنى أقوله عادى
وبردو هتقولوا الحب نعمة
وتانى هتقولوا انه غالي
دنا بردو وحياتكو أما دقته
قلت عنه ياريت ما جاني
مش عارفه حاسه كأني تايهه
فيه حاجه نسياها الساعادي
آدي تاكسي واقف واديني رايحه
على فين يا فندم أوام تعالي
طلعت ناسيه هقابله إمتى
ونسيت أقولو في أنهي نادي
ولسه بتقولوا الحب نعمة
لسه بتقولوا انه غالي
دنا حتى دقته خلاني لعبة
وجنني منه من يوم ما جالي