مذيعة بالفضائية المصرية تكتب رسالة توبيخ لمذيع برنامج "على اسم مصر"

من خلال صفحتها على الفيس بوك ارسلت مها عادل مذيعة الفضائية المصرية رسالة توبيخ إلى الإعلامي حسام السكري مقدم البرنامج الجديد (على اسم مصر) بسبب تأكيده في البرنامج أن هناك رسائل من المشاهدين تفيد بأنهم لم يشاهدوا القناة الفضائية المصرية الا بسبب برنامجه فقط ..وقالت مها في رسالتها علي الفيس بوك "بص، أنا معنديش مشكلة إنك عايز تبان ناجح والحركات دي بتاعة البرامج الجديدة، بس تطلع تقول مشاهدينا بيقولوا رجعتونا نشوف الفضائية تاني بعد 3 سنين، وإن ده مكتوب على صفحة البرنامج، وأخش أشوف الصفحة ألاقيك بتفتي وكلهم 360 واحد ومفيش الكلام ده، يبقي كده عيب، خصوصاً إنك جايب رئيس الوزراء في أول حلقة، يعني لازم مصر هتتفرج، إحنا هنحكم عليك بعد الاستمرارية بنجاح على الشاشة، مش إنك جهبذ من أول حلقة جايب فيها رئيس وزراء وفرحان بنصرك، إحنا يا أستاذ بنشتغل في أصعب ظروف وبنطلع برامج متميزة بأقل الإمكانات، بلاش كده واحترموا على الأقل الناس اللي مستضيفينكم في محطتهم، وخلّوا الروح كويسة، بلاش كده، عشان النفسيات دي ما بتأكلش عيش في الإعلام".