"الخشت" للطلاب: مش بنميز بين كليات العربي والإنجلش.. وذاكروا وبلاش فيس

نفى الدكتور محمد عثمان الخشت، رئيس جامعة القاهرة، أن يكون هناك تمييزًا بين الفرق والكليات بالجامعة، موجهًا حديثه لطلاب كلية التجاة شعبة اللغة العربية "صراحة انتم بتهرجوا يعني (يا شباب تجارة عربي) قصدكم يعني، إننا بنميز بين إنجليش وعربي، وليه بتعتبروا انهم احسن منكم، لأ بقى.. مفيش حد أحسن من حد، وأنا شخصيا بقى اعتز بولادي وبناتي كلهم عربي، إنجليزي، هيروغليفي، بجد.. بس أعمل ايه القافية بتحكم".
وأضاف "الخشت"، عبر صفحته الشخصية على موقع التواصل الاجتماعي "فيس بوك"، أنه لا يفرق بين أحد من طلاب الجامعة تحت أي بند، مضيفًا أن الجامعة شكلت لجنة ممتحنين ولجنة طوارئ لمراجعة وتصحيح المواد الدراسية التي بها شكاوى، فضلًا عن تدخلها لرفع نتائج بعض الفرق الدراسية إذا كانت النتائج غير مناسبة.
وتابع رئيس الجامعة: "أنا أتدخل من قبل بداية الامتحانات وشكلت لجان طوارئ ولجان ممتحنين، حتى تراجع تصحيح المواد التي بها شكاوى وتتأكد من مراعاتها لمستويات الطلبة والمنهج الذي تم تدريسه بالفعل، ولها الحق في إعادة توزيع الدرجات طبقا لمقاييس علمية، ورفع الدرجات بمعدلات أكاديمية وفقا (للمنحنى الاعتدالي)، وطبعا مفيش حد يسألني يعني إيه (المنحنى الاعتدالي)؟ هو حاجة كويسة فعلا، واحنا هنعمل بعد الامتحانات مسابقة للي يعرف المنحنى الاعتدالي".
وأضاف "الخشت": "نبهت بعدم إعلان أي نتيجة منخفضة قبل العرض على رئيس الجامعة، والعام الماضي حصلت نفس القصة مع سنة 3 تجارة، وتكررت تاني مع سنة رابعة السنة دي، نفس الدفعة.. يا محاسن الصدف".
وتابع "الخشت": "نكمل مذاكرة، ونبطل فيس، الله يقطع الفيس وسنينه، ويقطع النت على النتيت، وبلاش اللي بينتتوا عليه، يا شباب نذاكر، ولا نضيع الوقت، عشان الامتحانات القادمة، وانظر أمامك، ولا تنظر خلفك، نصيحتي لك في الامتحانات وفي كل شيء، واترك ما فات لله ولن يخذلك طالما تبذل كل جهدك. انا متاكد، وجربت".
وختم "الخشت" حديثه قائلًا: "ركزوا في الامتحانات المقبلة، وأما المنتهية فسيبوها لي، فعلا كل واحد سوف يأخذ حقه، ولن نضيع جهد أحد، وأنا عارف وأتابع كل حاجة على الأرض وقبل ما تكتبوا على الفيس، ومفيش ورائي غيركم، ذاكروا بقى وركزوا، ولو شفتكوا تاني على الفيس معنى كدة أنكم لا تذاكرون، ومفيش لجان ممتحنين، ومفيش إعادة توزيع درجات، مفهوم".