علاء عابد: "السيسي لما يقول خلوا بالكم فهو عارف إن البلد مستهدفة"

قال النائب علاء عابد رئيس الهيئة البرلمانية لحزب المصريين الأحرار، ورئيس لجنة حقوق الإنسان، إن منطقة مصر القديمة والمنيل أصل مصر، وأن جميع أبنائها جاؤوا لقول "تحيا مصر ومصر يجب أن تستقر بقائدها العظيم السيسي".
وفي بداية كلمته بمؤتمر دعم الرئيس السيسي بمنطقة مصر القديمة، وجه الشكر للنائب عصام فاروق، والنائب الخلوق محمد العقاد نواب مصر القديمة والمنيل".
وتابع عابد: "يا أهل مصر القديمة خلو بالكم بلدكم أمانة في إيديكم، وكانت على المحك في يوم من الأيام، وقت حكم الفاشية الدينية، تحيا مصر وتسقط الفاشية التي قامت بكل ما هو سئ، الجماعة الإرهابية التي تقول أن مصر لم تعد بلد الأمن، بنقولهم مصر هي بلد الأمن، بيسألونا برا البلد بيقولوا في يوم من الأيام مكنش عندكم رئيس ولا حكومة ولا برلمان، استمريتوا إزاي، قولنالهم علشان عندنا شعب عظيم شعب استحمل كل ما مر به علشان يعيش ويكمل، لأن مصر صاحبة ال7 ألاف سنة حضارة".
وأضاف عابد: "الجيش المصري دائما ما يقدم رسائل، واليوم بيحاربوا العدو الذي قتل ولادنا وجنودنا في سيناء علشان إحنا نعيش، ومن مصر القديمة بنقولك ياسيسي انت زعيمنا واحنا في ضهرك وهنكمل معاك، وخلوا بالكم لما السيسي بيقول خلوا بالكم هو عارف اللي مستهدفين البلد دي، وبقول من دلوقتي يوم 26، و27،28، هيبقي يوم احتفال كبير أوي، وهنقول كرسي مصر ميقعدش عليه فاسد إحنا معاك ياسيادة الرئيس".