بالصور| آيتن عامر تكشف عن كلمات أغنية فيلم "ياتهدي ياتعدي": "ربنا يستر"

كشفت الفنانة آيتن عامر كلمات أغنيتها في فيلم "ياتهدي ياتعدي"، المقرر عرضه فبراير المقبل، وذلك عبر حسابها على "إنستجرام".
وكتبت آيتن: "إنت يا دنيا افتريتى وياما جيتى كتير علينا وقضتيها عند فينا بس انسي تعاندى مين.. اضربى رأسك فى حيطة بقيت حويطة.. مش عبيطة.. عاملة هيصة وزمبليطة.. عايزة ايه من البنى آدمين.. يا تهدي يا تعدي .. أصل أنت مش قدي.. خلي الحياة وردي.. متكشريش على طول.. ليه مقفلة في وشي .. لا سوري معلش.. كدة أنا مقدرش عيب دة أنا بنت أصول".
وأضافت: "من كلمات أغنية فيلم ياتهدى ياتعدى اللى سجلتها وغنتها بنفسي وربنا يستر.. هتشوفوها كمان يومين على كل القنوات.. وهغنيهالكوا بكرة لايف، والفيلم نفسه هينزل في فبراير".
"ياتهدي ياتعدي" بطولة آيتن عامر، محمد شاهين، شيماء سيف، بدرية طلبة، محمد عادل، عايدة رياض، تأليف أحمد عزت، إخراج خالد الحلفاوي، وإنتاج شركة "الريماس" للإنتاج الفني.