عارفين هولندا؟، طب عارفين قصة "آن فرانك" الشهيرة؟.
أمستردام عاصمة هولندا "بلد الكل حاجة"، متاحف تلاقي طبيعة تلاقي، لو بتحب السهر فهي مشهورة بحفلاتها، ولو نفسك تزور الريف الهولندي، وتعرف معلومات عن تاريخه، وتشوف طواحين الهواء، والناس هناك بتلبس إزاي في العصور القديمة، فيه رحلة بتتعمل من أمستردام، والمكان بيبعد نصف ساعة، والرحلة بتستغرق نحو 5 ساعات، بتشوف فيها الريف الهولندي القديم على الواقع.
"ممكن تحجزها وتعرف عنها من هنا https://www.tours-tickets.com/en/holland-tours/countryside-windmills-tour/".
إما لو كنت تحب الألماس، فأشهر مكان لصناعة أجود أنواع الألماس موجود هناك اسمه Coster Diamonds، ويعتبر أقدم مصنع ألماس في أمستردام. الفكرة إنك ممكن تعمل رحلة هناك، وتلف في المكان وتتفرج بس أو تشتري هدية أو شبكة أو ساعة مرصعة بالألماس، وهيبقى تمنها مع تمن تيكيت السفر بالإقامة أرخص من لو اشتريتها من مصر بس متستناش تطلب منهم الtax free refund، وده لأنك سائح مش بتدفع ثمن الضرائب، وبتقدر تسترجعها تاني من مكتب بيبقى موجود في المطار "بس لازم يطلع على المشتريات مع الفاتورة مع ورقة الtax free"، وعندهم جميع أحجام وأنواع وأسعار الألماس، وده الموقع بتاعهم http://costerdiamonds.com/
طيب إيه بقى قصة "آن فرانك"؟""آن فرانك" قصة بنت أصبح ليها متحف في أمستردام، والقصة باختصار أنها بنت يهودية من أصل ألماني. أيام الحرب العالمية والنازية هربت هي وأهلها إلى هولندا، ومن سوء حظهم ألمانيا غزت هولندا، وكان لازم يستخبوا في ملحق لمكتب والدها "وراء المكتبة" لمدة سنتين مش بس هي وأهلها كمان فيه عيلة تانية انضمت لهم، وفي عيد ميلادها ال13 تلقت هدية عبارة عن مجلد تكتب فيه مذكراتها.
وقدرت في مذكراتها توصف الحالة النفسية اللي كانت حاسة بيها، وقدرت توصف إزاي كل يوم كان بيحاصرهم الخوف وإزاي في أيام تانية كانوا بيحاولوا يتناسوا الخوف المحيط بهم، ولو لوقت بسيط ووصفت جوعهم، وصفت انفعالاتهم وتقلب أمزجتهم وإزاي كانوا فترات يحبوا بعض ويبقوا قريبين من بعض، وفترات أخرى عصبيين جدًا ومش طايقين بعض، وصفت مرحلة مراهقتها وحبها لولد كان معاهم وعدم تأكدها إذا كانت مشاعر صداقة أو حب.
ووصفت إزاي إنها متضايقة من إن كل الناس بيبصولها على إنها طفلة ومحدش قادر يفهمها، الغريب والمثير في الموضوع أنه عند قراءة المذكرات هتكتشف أنهم كانوا يحاولون المواظبة على الرياضة والأكل جيدا، والاهتمام بأنفسهم حتى في الظروف الصعبه دي، وفي الآخر ألقي القبض عليهم، وأرسلوا إلى معسكر، وماتت هناك بسبب مرض "التيفوئيد" إلا أن مذكراتها اللي تحكت معانتها عاشت من بعدها.
لينك فيه مذكراتها لو حابب تقرأها https://drive.google.com/file/d/0BxHh2t7Lhb95aWxPYVpTaWgySkE/view?pref=2&pli=1
طيب لو عايز تسافر أمستردام تعمل إيه؟
محتاج عشان تسافر لهولندا إنك تاخد ميعاد للتقديم للفيزا عن طريق مكتب VFS في مصر من خلال موقعهم الإلكتروني http://www.vfsglobal.com/netherlands/egypt/، وطبعًا هيكون مطلوب منك يكون معاك في الميعاد "استمارة التقديم للفيزا، حجز الطيران والأوتيل، جواب من شغلك أو ما يثبت امتلاك شغلك الخاص، كشف بحسابك من البنك فيه آخر 6 أشهر يكون حركة التعاملات قوية من سحب وإيداع، وتأمين صحي لأيام السفر أو أكثر، صور شخصية، وجواز السفر، وصورة منه وممكن يطلبوا منك شهادة تحركات لو مش معاك (شنجن) قبل كده".
وتذاكر السفر بتكلف ابتداء من 2700 جنيه "ذهاب وعودة"، وده لو سافرت على اليونانية يوم 29/6 مثلا ورجعت يوم 6/7 احجز من هنا https://www.travelstart.com.eg/، أو من هنا www.skyscanner.com، وبالنسبة للإقامة في الفترة نفسها فممكن تقعد في "هوستيل" ابتداء من نحو 200 جنيه في الليلة أو في "أوتيل" ابتداء من 400 جنيه في الليلة للفرد في غرفة مزدوجة قريب من وسط البلد، وكمان جنب المواصلات، احجز من هنا www.booking.com، واختار city center وlowest price first، أو تقعد عند حد ببلاش من خلال استخدام موقع couchsurfing.com، لمعلومات أكثر عن المزارات السياحية في أمستردام ممكن تزور الموقع ده http://www.amsterdam.info/، وأتمنى ليكم رحلة سريعة جميلة موفرة وموفقة ترضي جميع الأذواق.
لمعلومات أكثر عن رحلاتي وسفري زور صفحتي