هادى خفاجة بعد إعلان اعتزاله : تاريخى مش هيقف على حلقة "وش السعد"

أعلن الفنان الشاب هادى خفاجة فى بيان له على صفحته الشخصية ب"الفيس بوك" اعتزال التمثيل فى مصر نهائيا بسبب موقف محرج تعرض له من قبل فريق عمل برنامج "وش السعد"الذى يقدمه الفنان محمد سعد،مشيرا أنه سيكمل مشواره الفنى فى دول أخرى تقدر الأنسانية.
وقال هادى فى البيان"قررت أنا هادى خفاجة اعتزال التمثيل نهائيا فى مصر وده بسبب الموقف ال انا هاحكيه هو موقف فى قمة قلة الذوق اللى ف الدنيا جاتلى مكالمة الساعة12 بليل ان محمد سعد عايزنى فى تصوير فى حلقة من برنامج وش السعد اللى هى كانت انهاردة وانه عايز يقعد معايا طبعا انا لبست وروحتله الساعة 1 بليل كان موجود الكاست كله ونجوم الحلقة ايتن عامر ومنة عرفة وعملنا بروفة واتفقت مع مدير الانتاج والملابس وكل حاجة واستاذ سامح عبدالعزيز المخرج قعدت معاه واتكلمنا عن الشخصية واتفقنا ان التصوير بعدها بيوم خلصت كات الساعة 4 الفجر وروحت البيت"
وتابع خفاجة"نمت وصحيت استعديت نفسيا ان رايح التصويروحفظت السيناريو كان المعاد الساعة 5 المغرب لقيت اتصال وانا فى الطريق الساعة4 العصر من واحد من مساعدين الإخراج بيقولى استاذ هادى احنا اجلنا الاسكتش بتاع حلقة حضرتك وهنكلمك نقولك امتا التصوير انشاء الله ..افتح التلفزيون من شوية ألاقى الاسكتش بتاعى اتصور بممثل تانى ؟؟طب ليه اللف والدوران الحمدلله تاريخى مش هيقف على حلقة بس موضوع تقديرانا احبيت احكى لانى وسط حاجات كتير حصلتلى مكنتش مستحمل حركة زى دى وبكرة بإذن الله هكون فى نقابة المهن التمثيلية وهاسلم استاذ اشرف زكى عضوية النقابة لأنها متلزمنيش فى شئ دلوقتى بس بجد كفاية تدمير فى المواهب وإحباط فى الناسلأن الوسط بجد أصبح عن عصابات تتحكم فيه"
وأنهى الفنان الشاب كلامه قائلا"ده قرار نهائى بجد بينى وبين نفسى مش هرجع فيه".