إحالة قاتلي طبيب القلب العالمى إبراهيم سويدان للجنايات

أحال المستشار ياسر التلاوي المحامي العام الاول لنيابات جنوب الجيزة، المتهمين بقتل طبيب القلب العالمي الدكتور ابراهيم سويدان بفيلته بأكتوبر إلي المحاكمة الجنائية أمام محكمة الجنايات.
وجه أحمد الحمزاوي وكيل أول نيابة حوادث جنوب الجيزة الكلية برئاسة المستشار أسامة حنفي، للمتهمين تهمتي القتل العمد المقترن بالسرقة بالاكراه بعد اعترافهما بارتكاب الجريمة، وقال المتهم الاول في تحقيقات النيابة "انا اصلا مكنش قصدي اقتله بس اخدت واحد صاحبي اسمه عيد ورحت عشان اسرقه عشان مفيش اي فلوس معايا وهو قاومنا عشان كده ضربناه بفازة علي رأسه لحد ما مات وبعدين سرقنا 2 ريسيفر و 3 هواتف محمولة ومحفظة بداخلها 150 جنيه وهربنا بسيارة ميكروباص كانت معانا الي شقتي في امبابة".
وشرح المتهم الثاني ويدعي نور - 27 سنة - دبلوم تجارة، خلال مناقشته امام العميد مجدي عبد العال رئيس مباحث قطاع اكتوبر تفاصيل علاقته بالمجني عليه وعمله لديه لمدة سنة ونصف وتركه العمل وقتله بعد ذلك قائلا: "من سنتين كنت بشتغل في محطة بنزين في منطقة اكتوبر وتعرفت علي المجني عليه وعرض علي العمل عنده في الفيلا، وانا وافقت عشان هو راجل محترم ومشهور وسيعطيني مرتب كبير الكلام".
وأضاف المتهم: "اشتغلت عند المجني عليه وبعد فترة تركت العمل ومن حوالي شهرين كنت محتاج فلوس افتكرت ان الضحية راجل غني وعنده فلوس كتير اتفقت انا وصاحبي عيد 20 سنة ان احنا نروح نسرقه ويوم الواقعة استقلينا سيارة ميكروباص وركناها بعيد شويه عن الفيلا ومشينا وتسلقنا سور الفيلا ودخلنا من شباك المطبخ وشوفت المجني عليه وهو طالع الدور الثاني في الفيلا واثناء قيامه بتغير ملابسه هاجمناه وشلينا حركته وضربناه علي راسه بفازة حتي لفظ انفاسه الاخيرة في الحال وسرقنا 2 ريسيفر و3 هواتف محمولة و 150 جنيه كانوا في محفظة الضحية وبعدين رحنا علي امبابة ومفيش يومين وحضرت المباحث لشقتي في امبابة".
وعقب اعتراف المتهم بارتكابه للواقعة وتاكيد المتهم الثاني رواية المتهم الرئيسي، أمر اللواء عبد الموجود لطفي مساعد وزير الداخلية لامن الجيزة باحالتهما للنيابة وسط حراسة مشددة ترأسها العميد حسام فوزي مفتش مباحث قطاع إكتوبر، حيث اصدرت النيابة قرارها المذكور سابقاً.