أزمة جديدة.. صاحب مطعم كبدة شهير يقاضي محمد رمضان بسبب تصويره في المحل بدون إذنه

أزمة جديدة تلوح في الأفق في طريق الفنان محمد رمضان، حيث شن ناصر البرنس صاحب مطعم كبدة شهير، هجومًا حادًا عليه، بسبب دخوله مطعمه وتصويره مشاهد لأحد أعماله الفنية، المقرر عرضه الفترة المقبلة.
وقال ناصر في الفيديو:”كنت في البيت مريح وسمعت خبر إن محمد رمضان جايلي المطعم طبعا رحبوا بيه وعملوله طرابيزة ل20 نفر، فأنا ببص لقيت كاميرات رهيبة 7 أو 8، أنا عندي كاميرا وبعت ابني يصوّر، استغربت وقولت اكلم منتج كليباته أسأله إيه الأمر، وقولتله بتصوروا حاجة لمسلسل البرنس أو فيديو كليب، فقالي متتكلمش في الموضوع ده عشان متزعلش مني!”.
. وتابع: “إيه مزعلش دي أنت بتهددني، أنتم بتيجيوا تدخلوا المحل واتصورا كدا من غير مايعرف صاحب المحل، أو البراند أنا بيجيلي نجوم عريقة كتير هنا، وبصورهم مبقدرش أصور معاهم من غير ما أستأذنهم، بس أنت تيجي وتصور هنا من غير أذني لأ دنا أرفع دعوى قضائية وبلدي تجيب لي حقي، أنا فرغت ال65 كاميرا اللي عندي، واكتشفت إنه بيصور كليب”.
وظهر محمد رمضان في الفيديو الذي نشره محمد رمضان، وهو يدخل بسيارته الفارهة إلى مكان مطعم البرنس، ويلتف حوله العشرات من الجمهور، كما يصور مشاهد درامية داخل “كبدة البرنس”، ويحيطه من الجانبين المصورين الذين أتو معه.