الست لما..

-- أهلا أهلا.. ماكلمتنيش ليه وأنتا جاى، كنت عايزة حجات للبيت
•• معلش الموبايل فصل منى، وبعدين حاجات
إيه ؟ هو مش أحنا كنا فى الهايبر أمبارح
واشتريتى الهايبر باللى فيه ؟
--أه بس سبحان الله كل مرة لازم أنسى حاجة
... خلاص بكرة بقا
•• طيب حضرتى الأكل ؟
- لأ-
•• نعم !!! لأ ليه ؟
- ماهو أنا كنت بتكلم فى الموبايل طول اليوم-
وكنت هاكلمك أقولك هات معاك أكل لاقيت
موبايلك مقفول
•• وكنتى بتكلمى مين إن شاء الله
-- ماما وإخواتى
•• أه... وطبعا كالعادة أسرار بيتى كلها بقت
عند أمك
-- لأ طبعا مش كلها
•• يا بنتى ارحمينى بقا واحتوى بيتك وحاولى
تفهمى أنى من حقى يبقا ليا خصوصيات ومن
حقى لما أجى من الشغل ألاقى أكل
•• أنتا محسسنى أنى مابعملش أكل... مش أنا
لسا طابخة من أربع أيام ؟.... أنتوا كده يا رجالة
عمركوا ما بتشكروا
-- بصى موضوع الأكل ده أشطا مش مضايقنى
أوى لأن وجع بطنى بيضايقنى أكتر،،، بس
الرغى فى التليفون وأسرار البيت اللى بقت
مشاع دى لو حصلت تانى مش هيحصل كويس
•• ماشى ماشى بس قولى والنبى ؟
- هاااا-
•• هى الماركة بتاعت البوكسرات اللى جبناها
أمبارح دى إيه
-- أشمعنى بقا ؟؟
•• أصل قولت لأخويا وكان عايز ينزل يجيب
من نفس المكان
-- يا شيخة ارحمينى بقا... هى وصلت
لبوكسراتى
•• خلاص خلاص مش عايزة أعرف، أنا
هصورلو واحد وابعتلو الصورة
-- أنا نازل
•• رايح فين دا أنتا لسا جاى
-- فى داهية رايح فى داهية
(( على السلم ))
= أزيك يا باشمهندس
-- أهلا أزيك يا باشا
= والنبى بس كنت عايز استفسر عن حاجة
-- تحت أمرك
= المدام عندك كانت قالت للمدام عندى أنكو
جيبتو بوكسرات جديدة... جايبها منين ؟
-- بص يا باشا... شايف الدور اللى جاى ده
= أه
-- اطلع هتلاقى شقتى... خبط... المدام
هاتفتحلك.. اسألها وخليها تفرجك على الخامة
وقولها جوزك بيقولك أنتى طالق