منتقبة ل"العمدة": البلد مش ناقصة.. حرام عليك

هدى بدري
شهد شارع مجلس الشعب مشاجرة عنيفة بين احدى السيدات المنتقبات ورجل سلفى وذلك على خلفية ما اثاره النائب محمد العمدة وكيل اللجنة التشريعية من احتمالية حدوث صدام بين المجلس العسكرى والشعب، خلال وقوفه على رصيف مجلس الشعب للحديث مع الاعلاميين بعد منع الامن له من الدخول .
قالت السيدة للنائب "وليه يا سيادة النائب تقول كده ..هو احنا ناقصين مش كفاية العناء اللى بنواجهه "، وما ان حاول العمدة الرد عليها ,الا وبادر "السلفى" قائلا لها: انت امن دولة، واحنا عارفين انك مزقوقة علينا، فانفعلت السيدة وقالت "حرام عليك ..انا مصرية زيى زيك ".
فما كان من الرجل الا ان قام بانتقاد ملابسها حيث قال عليها "ده نقاب ده اللى انت لبساه، انت فاكرة اننا مش عارفين انك من الامن "، وحاولت السيدة توضيح موقفها، إلا ان النائب محمد العمدة تركها وغادر المكان، وبعدها نشبت المشاجرة بين السيدة المنتقبة والسلفى التى اضطرت فى النهاية الى الهروب بسيارتها من المكان، بعد ان ردد بعض المتضامنين مع الرجل السفى "فلول ..شفيق ..مرسى هو الريس".