ماهر مسعد انفلات امني ادي الي انفلات اخلاقي وينعكس علي جميع افراد الشعب ،ويؤدي الي لامبالاه مثل سائقي الميكروبص والتوك توك والتاكسي وبالتالي ينعكس علي الراكبين وهذا بسبب عدم المسئوليه ولا الوعي لاهمية الطريق الضروريه لباقي الافراد. كشفت الصباح الاسباب التي تؤدي الي ذلك بدايةً الميكروباص، أحمد النص 18 عام، سائق " توك توك" يابيه انا كسواق عاوز انجز يعني مش اقف علي جنب واركب زبون وتكون عربيه تانيه ركبته وده مش خطر عليه وخصوصا وانت مش واقف ده بيركب وانت ماشي ؟ طبعا خطر بس أعمل ايه هي الشغلانه دي كده والناس اتعودت وبعدين احنا في منطقه مافيهاش مرور والطرق زي مانت شايف كلها حفر ومكسره وعربيات راكنه علي الجنبين ولو ما ركبتش الزبون بسرعه يبقي انا كده بضيع وقت وفلوس من ورديتي مع كل زبون اونطه. اضاف ..محمد ظبط 33 عاما سواق توتوك ويعول 3 اولاد انا سواق توكتوك ماليش موقف وبركب الزبون من اي حته زي التاكسي وعشان التوك توك صغير وسريع الحركه نابتفرقش اقف علي جنب او في نص الشارع وده يابيه عشان ساعات كتير بيركب زبون واحد طول مشواره وساعتها لازم انجز عشان اركب زبون غيره انا عاوز أكل عيالي واعلمهم،وعشان كده بتزود في الاجره عشان مستعجل وبصراحه بيبقي معاه فلوس غير زبون الميكروباص هناك سواقين حراميه وبلطجيه ومروجين مخدرات :ده حقيقي وانا مقدرش انكر ،طب انت تعرف ان النهارده 2 في توكتوك بروض الفرج اغتصبوا بنت وهربوا ياستار يارب الي زي دول سايقين التوكتوك ستاره لاعمالهم المشبوهه بس الحكومه الي عملت كده فيهم عشان مفيش رابط ولا ضابط . اضاف ربيع المصري 30عاما دبلوم صناعي سواق تاكسي انا بلف مناطق كتير منها العشوائيه والراقيه وتلاقي في العشوائيه الميكروباص والتوك توك بيقفوا في نص الشارع وبيعملوا الي هما عاوزنه يتخانقوا ،ويركبوا زبون او بيسلم علي حد صاحبه او ممكن بيجيب شاي وده لانه مش حاسس بالمسؤليه واهمية حركة المرور ان ممكن يكون في مريض في عربيه وراه في الزحمه ورايح المستشفي بكده ممكن يتسبب في سء حالته او موته ،انا بشوف سواقين تاكسي كده بس قليلون وايه رايك في التوكتوك احساس سائقي التوتوك بعدم المسؤليه لانه من غير لوحات ولو حد عمل مصيبه اهو كلهم شبه بعض و الميكروباص 90%منهم من غير لوحات ويصلحوا لاستعمال نقل ركاب زي كشك العيش بالظبط ،واغلبية السواقين مسجلين خطر او بيبيعوا مخدرات ،وما رايك في زياده الاجره في المواصلات حاجات كتير الطرق مكسره وبتستهلك قطع غيار والسولار والبنزين مش موجودين روح وشوف الطوابير ولا السوق السوداء سعر اللتر ضعف العادي مره ونص غير الاكراميات .
