بسبب ترافيس سكوت.. مشادة كلامية حادة بين فنانين مصريين

لايزال جدل حفل ترافيس سكوت في مصر حديث الجماهير والفنانين ورواد السوشيال ميديا ، آخرهم سبب مشادة كلامية بين المطرب حلمي عبدالباقي، عضو نقابة الموسيقيين، والشاعر خالد تاج الدين بسبب مشيد وناقد للحفل.
مشادة كلامية بسبب ترافيس سكوت
الأزمة بدأت عندما اعترض خالد تاج الدين عبر حسابه بموقع فيسبوك على قرار إلغاء حفل مطرب الراب العالمي، إذ كتب : "هى نقابة الموسيقيين مالها ومال حفل موسيقي عالمي!! حتى لو على أرض مصرية أنت وظيفتك موسيقيين بلدك فقط، إنما تلغي حفلة عالمية عندنا دي من اختصاص وزارة السياحة أو الداخلية".
وواصل حديثه :"يا عم احنا بلد سياحي المفروض، عمركوا ما هتبقوا زي دبي والرياض واسطنبول طول ما مصطفى كامل كلمته ماشيه على البلد كلها".
ليرد من جانبه الفنان حلمي عبد الباقي :"أنا عاوز أقول حاجة، وأنا مبعرفش أقول كلام وأداري، أصل أول حرف من اسمه كذا، أنا بتكلم علطول استاذ خالد تاج الدين الشاعر، أولا أنت ملكش دخل أصلا بنقابة الموسيقيين، ثانيا لما تتكلم وأنت مش فاهم، أنت عارف الناس بتسمي الشخص ده إيه".
كما واصل :"ثالثا أنا مش عارف أنت شاغل نفسك بالاستاذ مصطفى كامل ليه؟، يا ترى كنت بتحلم إنك تحقق نجاحات زي اللي حققها ومعرفتش، فده سببلك حالة نفسية تجاه مصطفى كامل ولا إيه بالظبط، بجد مش عارف أسمي تدخلك وكلامك على مصطفى كامل إيه خلي الناس ترد".
استفز هذا الرد الشاعر خالد تاج الدين، ورد عليه من جانبه قائلا ً :" هو الحقيقي بقى يا أستاذ حلمي إني أنا ومصطفى كامل عملنا نجاحات ممكن حضرتك مع احترامي يعني متكونش وصلتلها وده ميقللش من حضرتك خالص وأنا نفسي عملتلك أغنية قبل كده واتصورت كليب كمان لكن نجحت بصوت تامر عاشور".
أيضاً تابع :"بعد كده لما غناها في بيتهم على كومبيوتر بربع جنيه!! حضرتك دخلت نفسك في كلام ميصحش يتقال لاني وجهت الكلام لمصطفى كامل.. اه بالحق انا بنفسن من مصطفى كامل!! راجع بس سي في خالد تاج الدين هتعرف هو مين ولو اني عارف انك عارف. آسف للإطالة استاذنا القدير".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا