بعد حفل جدة.. مدير أعمال شيرين عبد الوهاب يعلن اعتذاره عن العمل معها

اعتذر إيهاب صالح مدير أعمال الفنانة شيرين عبدالوهاب، عن مهمة إدارة أعمالها، وذلك بعد حفلها في جدة الذي أقيم مساء أمس ونال إعجاب الجمهور بشكل كبير.
اعتذار مدير أعمال شيرين عبدالوهاب عن إدارة أعمالها
وعبر حسابه الرسمي على موقع "تويتر" كتب تغريدة تقول :"جمهور شيرين العظيم، الحمد لله على نجاح حفل جدة كما كان متوقع وده العادي بتاع شيرين في أي حفلة".
وواصل حديثه :"أجلت الإعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة اللى فاتت ليها في المقام الأول".
وتابع :" وطبعا بعد كده ليا قررنا إن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها وده أكيد لمصلحة الطرفين ولنا أسبابنا".
واستكمل:"مبروك وشكرا يا شيري من كل قلبي ويا رب أكون كنت على قد وعدي وكلمتي ليكي أنى دايما في ضهرك".
وأضاف :"والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الألبوم على أبواب ومتأكد أنه هينجح نجاح غير عادي، فرحان بشكل ملوش وصف بنجاحك ورجوعك بالقوي دي وده إللي اتعودنا علية منك طول السنين دي".
واسترسل :" وأنا كده كده دايما موجود زي ما أنتي عارفة وربنا يديم كل اللى بينا على خير وأسف لو في أي لحظة كنت قصرت معاكي بأي شكل، وأحب أشكر كمان جمهورك أكيد اللي مشوفتش منه غير كل خير وحب، شكرا بجد من كل قلبي".
ولفت :"طبعا وأكيد شكر كبير لسيادة المستشار تركي ال الشيخ (أبوناصر) على كم الدعم الكبير من جانبه، بمجرد أنه شاف صورة رجوعك للاستوديو، وقد أيه كان مهتم بشيرين ومقدر قيمتك وتقديرك بشكل يليق بيكي وده مش غريب علية ودايما في ضهر كل الفنانين العرب كده كده دي شهادة حق لازم تتقال".
وأوضح إيهاب صالح :"ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة. أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما على القمة".
وأنهى حديثه قائلاً: "طبعا وأكيد شكر كبير لسيادة المستشار تركي ال الشيخ (أبوناصر) على كم الدعم الكبير من جانبه، بمجرد أنه شاف صورة رجوعك للاستوديو، وقد أيه كان مهتم بشيرين ومقدر قيمتك وتقديرك بشكل يليق بيكي وده مش غريب علية ودايما في ضهر كل الفنانين العرب كده كده دي شهادة حق لازم تتقال".
يذكر أن الفنانة شيرين قد تألقت في حفل جدة الذي أقيم مساء أمس وغنت باقة من أروع أغانيها بالإضافة إلى الغناء لكوكب الشرق أم كلثوم، مما تصاعدت الهتافات إليها ونال الحفل إعجاب جمهورها.