قبل عرضها في العيد.. لماذا تضايقت سهير البابلي من نجاح «مدرسة المشاغبين»

في حوار تليفزيوني سابق للفنانة الراحلة سهير البابلي، تحدثت الفنانة عن كواليس مسرحيتها الشهيرة "مدرسة المشاغبين" وسبب شعورها بالضيق من النجاح الساحق لها.

سهير البابلي تتحدث عن كواليس مسرحية مدرسة المشاغبين
فتحدثت سهير البابلي عن كواليس مسرحيه مدرسة المشاغبين فقالت :"عملت أعمال عظيمة جدا في نص حياتي الفنية، ومدرسة المشاغبين فرقعت جماهيريًا وماديًا، والنجاح دة ضايقني، كان فين الجمهور في الأعمال العظيمة والمسرح القومي؟ أين الوعي؟".
وواصلت :"بتبسط إنني نجحت لما الناس كل شوية يقولولي يا أبلة عفت، أنا نجحت جماهيريًا وماديًا ولكنني مش مرتاحة أدبيًا".

وأعربت سهير البابلي عن ضيقها من الارتجال الذي حدث خلال المسرحية معبرةً :"انساقت لهذا الارتجال، لأنهم شايقوني قوي وكنت ياما بترجاهم وأقول بلاش الحتة دي، وأقولهم بص الألاف اللي بتتفرج عليكم. الأخلاق عندي في كافة والفن في كافة".
واسترسلت سهير البابلي :"المفروض نتفق على إفيه قبل ما يتقال، ونشوف هل هو في صلب الموضوع أو خارجه خالص. ممكن أقول لفظ مش كويس وممكن أشتم وتضحكي لمدة ثانية بعد كدة تلومي نفسك إنك ضحكتي".
مدرسة المشاغبين
أما عن رأيها في العمل مع أبطال المسرحية قالت :"كانوا بيحاولوا يضحكوني عشان أبقى راضية ومغضبش عليهم، مرة اتنرفزت جدا وعادل إمام قعد يتكلم كتير، قلتله لو مسكتش هقطع لسانك من لغاليغه".
وأختتمت حديثها قائلة ً:"الارتجال بتاعي أفادهم هما، عادل إمام بنباهته وزكاءه الفني ألف على كلمة لغاليغه ربع ساعة بحالها، الناس كانت بتروح الساعة 3. زي لما قلتله هقطعك نصيت وقالي طب أتجوز ازاي. كان بيطلب مني قبل كل عرض أقول هقطع لسانك من لغاليغه عشان يرد عليها بإفيه".