لماذا امتنع تامر حبيب عن الصيام لمدة 5 سنوات؟

كشف السيناريست تامر حبيب، عن السبب وراء عدم صيامه لمدة 5 سنوات حيث قال: "بقالي 5 سنين مش بصوم عشان العملية اللي عملتها تحويل مسار وقبلها كان جالي جلطة عشان كده ممنوع أصوم ولازم اشرب ميه على الريق كل يوم".
أضاف تامر، خلال حواره ببرنامج "حبر سري"، المذاع عبر فضائية"القاهرة والناس"، "دي علاقتي بربنا وانا بحب الصيام ولحظة الفطار متربي عليها فبدأت افطر من الوقت اللي ممنوع اصوم وكان سبب مرضي".
وكان رد السيناريست تامر حبيب، على الجمهور المهاجم له بعد دعمه للفنانة منة شلبي، من خلال حسابه الشخصي بموقع "فيس بوك".
كتب تامر، "فوجئت بناس كتير بتعمل ايموچي ضحك علي تعليقات اصدقائي في البوست اللي نزلته من شوية بقول فيه الحمد لله علي الحكم في قضية منة شلبي".
أضاف، "و الموضوع استفزني و ماكنتش فاهم ليه، فدخلت اشوف مين الناس اللي فشتها عايمة قوي كده، لقيتهم كلهم ناس ماعرفهومش و من پروفايلاتهم اي عيل اهبل يفهم الناس دول اتجاهاتهم ايه و قصدهم ايه.... فتمام، اضحكوا جامد... علي الاقل امتوا بتضحكوا او بتسخروا من خبر مبهج و مفرح كل البني آدمين اللي تتوفر فيهم مواصفات الانسانية.... و ان شاء الله لما نشوفكم في مصايب و ازمات و محن تحرق قلوبكم و قلوب اللي بيحبوكم ، ده لو كان فيه حد بيحبكم او كنتوا تفهموا اصلاً يعني ايه حب، احنا مش هانضحك... احنا هانقول اللهم لا شماتة، و حسبنا الله و نعم الوكيل".