أول رد من السيناريست تامر حبيب على التشكيك في رجولته

رد السيناريست تامر حبيب، على تصريحات المخرجة إيناس الدغيدي بالتشكيك في رجولته، حيث قال إنها لم تقصد هذه التصريحات.
أضاف تامر، خلال التصريحات التلفزيونية، "بعد تصريح التشكيك في رجولتي لقيت كمية حب ودعم ومساندة من ناس كتير جدًّا، وأنا شخص مش أي حد يقدر يستفزني، وما أعتقدش إن إيناس الدغيدي بتروج لفكرة إني مايل للمثلية الجنسية وأنا مؤمن بحاجة أنا حر ما لم أضر وطالما محدش ضرني خلاص".
وكان رد السيناريست تامر حبيب، على الجمهور المهاجم له بعد دعمه للفنانة منة شلبي، من خلال حسابه الشخصي بموقع "فيس بوك".
كتب تامر، "فوجئت بناس كتير بتعمل ايموچي ضحك علي تعليقات اصدقائي في البوست اللي نزلته من شوية بقول فيه الحمد لله علي الحكم في قضية منة شلبي".
أضاف، "و الموضوع استفزني و ماكنتش فاهم ليه، فدخلت اشوف مين الناس اللي فشتها عايمة قوي كده، لقيتهم كلهم ناس ماعرفهومش و من پروفايلاتهم اي عيل اهبل يفهم الناس دول اتجاهاتهم ايه و قصدهم ايه.... فتمام، اضحكوا جامد... علي الاقل امتوا بتضحكوا او بتسخروا من خبر مبهج و مفرح كل البني آدمين اللي تتوفر فيهم مواصفات الانسانية.... و ان شاء الله لما نشوفكم في مصايب و ازمات و محن تحرق قلوبكم و قلوب اللي بيحبوكم ، ده لو كان فيه حد بيحبكم او كنتوا تفهموا اصلاً يعني ايه حب، احنا مش هانضحك... احنا هانقول اللهم لا شماتة، و حسبنا الله و نعم الوكيل".