"بسبب بوستر مسلسلها الرمضاني".. تعليق ناري من عمرو أديب بعد الهجوم على منى زكي

علق الإعلامي عمرو أديب، على الهجوم الذي تعرضت له الفنانة منى زكي بعد نشر بوستر مسلسلها الرمضاني الجديد "تحت الوصاية".
وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الاثنين. "شوفنا هجوم وهشتاج ضد مسلسل منى زكي وبيقولوا ليه واحدة محجبة تطلع جوابها عاملة كده".
وأضاف "لو طلعت عاملة حواجبها هيقولوا هي معمولة ازاي ايه ده الفتنة دي. هجوم النهاردة على منى زكي غير طبيعي ومحدش عارف الست هتبقى عاملة ازاي واضح أن المسلسل عبارة عن حاجة قانونية لها علاقة بالستات".
وتابع "هي طالعة مقهورة وعندها مشاكل لو طلعت محجبة وبينت خصلة كده كنتوا هتعملوا فيها ايه. منى زكي ست محترمة هل ده شيء نختلف عليه عمرنا ما سمعنا عنها حاجة وحشة".
واستطرد "مفيش سيء يخلي يكون فيه تربص بالشكل مفيش نقد كبير حد يطلع منحرف كل الناس في الغالب كويس القضية بتكون لو فيه حد مظلوم".
وأردف "الست طالعة من غير مكياج ومن غير بهرجة وأنا بقول أن هذا الهجوم مكمل يومين تلاتة. طبعا الحجاب فرض والحجاب زي أخلاقي واجتماعي أيضًا أكيد فيه محجبة جيدة ومحجبة غير جيدة".
وأكمل "الدراما المبسترة لازم تخلص ممكن يكون فيه كده وفيه كده. وشوفنا طلب إحاطة لوقف هذا المسلسل وايه الثورة اللي حصلت وايه الهجوم ده".