ويجز يفتح النار علي أحد جمهوره لسبب غريب!

عبر مطرب الراب الشهير ويجز عن استيائه الشديد بسبب تصوير أحد جمهوره له دون إذنه مشيراً أنه يري هذا التصرف غريب ويزعجه بشكل كبير.

ويجز يفتح النار علي أحد جمهوره
فنشر الفنان ويجز مقطع فيديو له عبر حسابه الشخصي على موقع التواصل الإجتماعي لتبادل الصور والفيديوهات "إنستجرام" من خلال خاصية الاستوري، عبر فيه عن غضبه من التصوير دون علمه قائلا ً: "الناس اللي بتعمل تيك توك، كفايه، الناس بتقعد تصور كل حاجة في الدنيا، أنا ماشي عادي، مش بعمل حاجه مش بتشقلب، ليه تصورني لوحدك، أنا معرفكش أول مرة أشوفك، يجدعان انتوا ناس غريبة ليه".

آخر أعمال ويجز
يذكر أن الفنان ويجز قد حطم جميع الأرقام القياسية بكليب "عز العرب" الذي تعتبر الأغنية الرسمية لنهائي كأس العالم 2022 والذي أقيم في دولة قطر وتخطي الفيديو 4 مليون مشاهدة عبر موقع الفيديوهات الشهير يوتيوب.
وكان الفنان ويجز قد تحدث عن هذا النجاح في أحد البرامج التليفزيونية فقال: "مبسوط أوي علشان اتطلبنا في حاجة بالحجم دا ودا مش عشاني بس الحدث دفعة لأي فنان عربي، وبنقدم مزيكا كويسة وبنطلع حاجة تشرف الجيل دا وكل اللي بيشتغلوا معايا في الفريق دا مصريين وعرب".
وفي الحلقة ذاتها تحدث الفنان ويجز عن تجربته مع التمثيل فقال: "التمثيل كان تجربة.. وكنت بجس نبض وبشوف أنا شاطر والناس هتتبسط ولا هتتضايق، وردود الأفعال كانت إيجابية، فخلتني اتحفز وعايز أشتغل في التمثيل تاني وأعمل حاجة تانية وعايز أعيش شخصيات جديدة، ومناخ العمل بتاع التمثيل هو اللي خلاني حاسس أني عايز أخوض كمان تجربة واتعرف على ناس جديدة".