كشف تامر فراج السيد، والد الطالبة منة ضحية مدرسة العجوزة، تفاصيل سقوط ابنته من الدور الرابع مع بداية العام الدراسي.
وقال "السيد" في اتصال هاتفي ببرنامج "حضرة المواطن" المذاع على فضائية "الحدث اليوم" مساء اليوم الاثنين باكيًا "أنا بتهم وزير التربية والتعليم والمدير والمدرسة في وفاة بنتي".
وأضاف "حاطين أطفال في سنة تانية ابتدائي في الدور الرابع. والمدرس يضربها ويضرب بنت عمها علشان كانت عايزة تمشي معاها".
من جانبها قالت مديحة إبراهيم، والدة منة، باكية "منة عندها 7 سنين وكانت أول يوم تروح المدرسة النهاردة. وصحية من آذان الفجر فرحانة وفضلت تلعب بالموبايل لغاية الساعة جت 6 وقامت استحمت ولبس ونزلت".
وأضافت "كانت فرحانة وفضلت تقول لباباها يلا علشان منتأخرش. ونزلنا أنا وباباها وأخواتها عمر وياسين وجبتلها ساندوتشات وأخذت مصروفها وأنا اللي طلعتها بايدي للفصل في الدور الرابع ياريتني ما طلعتها".
واستطردت "الساعة 8 وصلنا الفصل ودي آخر مرة أشوف فيها منة وكنت سايباها فرحانة ومبسوطة. لا كانت بتعيط ولا بتشكي من حاجة وسبتها زي الفل".
وأردفت "على الساعة 1 ونص حماتي اتصلت بأبوها وقالتله منة في المستشفى. جرينا على المستشفى معرفناش ندخل ومشفتهاش لغاية دلوقتي وادوني بس الكوتشي والشراب بتاعها".
وتابعت "سما بنت عمها كانت معاها قالت أن الماستر اتلفت ولقى منة بتفتح الباب وهتخرج من الفصل. وسما راحت قالتله إن هي اللي بتأخذها علشان تمشي بسب زعقلها وماشها مرتين".
واستطردت "وهي نازلة في المرة الثانية لقت منة وقعت من على السور. حسبي الله ونعم الوكيل في اللي كان السبب ومفيش أي حد من المدرسة اتكلم معانا وكل اللي لقيته سما منة بتترمي من الدور الرابع".