بعد انتقاده له.. مجدي الهواري يوجه هذه الرسالة لمحمد صلاح

تصدر المخرج مجدي الهواري تريند السوشيال ميديا بعد انتقاده اللازع للاعب المنتخب الوطني ونجم نادي ليفربول الإنجليزي، محمد صلاح، بسبب قيامه بإضاعة الكثير من الوقت لحسم قراره حول تجديد عقده من ليفربول، أو الانضمام لنادٍ آخر.
وكان "الهواري" كتب عبر حسابه على "فيسبوك" منشورًا، أمس، يهاجم فيه "صلاح"، ثم حذفه بعد لاقى المنشور عدم استحسان من المتابعين ورواد السوشيال ميديا.
ووجه "الهواري" في منشوره قبل الحذف، تحذيرًا ل"صلاح" بأنه في خطر، لأن جمهور ليفربول اللي تغنى باسمه قد "يرميه بالبيض إذا قلب الترابيزة عليه" على حد قوله، مُضيفًا: "هيروح منك كل حاجة دوري وأبطال أوروبا حتى لقب الهداف.. أنت حولت الدوري الإنجليزي إلى بورصة مش كورة، وده في صالح المنافسين، احسم وخذ قرارك وبلاش هيصة كتير كده، مفيش حد من أساطير الكورة في العالم فضل كل ده هري في المفاوضات عشان ياخد قرار.. امشي / اقعد اعمل اللي أنت شايفه.. بس خد قرار، بلاش تحول تاريخك إلى صفقة ممكن تكسب وممكن تخسر بلاش اللي حواليك يخلوك محدث نعمة.. لو أنت نجم عالمي إحنا بنشجع كورة عالمية قبل ما انت تتولد".
ثم كتب "الهواري"، منشور آخر بتوضيح وتصحيح المنشور السابق الذي حذفه، معلقًا: "المفروض أن معروف قد ايه انا بحب محمد صلاح مش محتاج اقول ده ! لاني بشجع النادي اللي بيلعب فيه بس.. علشانه، وقبل كده كنت بشجع روما وقبلها تشلسي بردو علشانه.. وحاطط صورته فوق سرير بطل مسلسلي طول ال30 حلقة علشان يبقي قدوة لكل جيل والشباب اللي بيشوفوا المسلسل ومنهم ولادي.. وانا واحد من الناس اللي شايف أنه مش واخد حقه وقولت ده كتير! سواء في فرصة الكورة الذهبية ولا حتى في مرتبه اللي بياخده حاليًا!!".
وتابع: "بس رأي مش مهم جنب المعايير العالمية لفرصة الاتنين.. بس جات الفرصة في العروض اللي بتتعرض عليه في نوادي تانية بالرقم اللي هو عايزه ويمكن أكتر سواء في باريس سان جيرمان أو الريال وهو عارف إن ليفربول مش يدفعوا الرقم ده لحسابات كتيرة.. وأكتر رقم هيدفعوه هو ال400 ألف".
واستكمل: "وأنا كتبت قبل كده أوعي تمشي ياصلاح من نادي عملك نشيد!! المشكلة مش هنا.. ولا المشكلة في الانتقال.. المشكلة في الحسم.. في القرار. علشان صلاح يركز في الكورة.. والله ده كان قصدي".
واستطرد مجدي الهواري قائلًا: "المشكلة في سبب كتابة البوست الانفعالي جدًا علشان مصلحته في اللي كتبته.. المشكلة إن ابننا صلاح تركيزه في المباريات بيقل لما يكون في حاجة تانية شغلاه ومحدش ينكر ده، لدرجة إن الخصم بقي يلعب على ده، وواضح إن مدير أعماله مش باعد عنه كل كلام المفاوضات ومخليه بيفكر طول الوقت معاه.. لازم يشتغل على نفسه في الموضوع ده زي ما اشتغل على نفسه في حاجات كتيرة وبقى قدها واتخلص منها.. زي اتقان اللغة وتحديات كتيرة جدًا، وتدريباته المستمرة على رفع كفاءة الأداء.
واسترسل: "وبعدين مع كارثة كمان خروجنا من كأس العالم اللي لحد دلوقتي مأثرة عليه وإحساسه بالمسؤلية امام الشعب المصري كله.. مش بس جمهور الكورة اللي احنا نفسنا واضح نسيناها وهو الوحيد اللي لسه متأثر بيها، مع الفرصة الضايعة في الكورة الذهبية تاني، لانه معملش حاجة لمنتخب بلده، واللي مخليه مش بينام بسببها..
الله يكون في عونه الصراحة، أحلام كتير بيفكر فيها وأفكار كتيرة بترن جواه و مخلياه مش في الفورمة بقاله شوية حلوين".
وأضاف: "هو انتم كمان مش معايا إنه من ساعة ما رجع من أفريقيا وهو مش تمام !! ولا مش متابعين الفرص الكتير الضائعة منه اليومين دول ولا كلوب لما قال صلاح بنعالجه بعد رجوعه.. قولوا كلمة حق بقي لصالحه".
وأردف: "بس اليومين دول يومين حسم الألقاب ياابو صلاح.. مفيش دلع دوري بعد ماتش تعادل توتنهام وأبطال أوروبا وماتش الريال والثار القديم، ولقب الهداف اللي سون قرب منه بعشرين جون، وتركيزك في الانتقال والمفاوضات.. علشان كده بقولك انت في خطر!! ركزززززززززز!".
وأكمل حديثه قائلًا: "اعتقد إن كلامي كده وضح ياجماعة إني خايف على صلاح، وده سبب في انفعالي لأنه الحاجة الوحيدة الحلوة اللي حيلتنا.. ولا ايه!! أنا عايزه يركز في الكورة في الملعب لأنه ده هو اللي هيجيبله ويجيب لنا كل الخير.. مساء الخير ياصلاح.. وزي ما تريكه بيقوله: ركز ياصلاح.. أشوفكم بعد ماتش الريال.. ميارة الحسم.. اتمنى عودة صلاح بكأس أبطال أوروبا.. يارب يبقي كلامي حماسي للفرعون الصغير فخر قلبنا".
ب
DMCA
PROTECTED