بالصور.. فريدة سيف النصر تنشر صورة بطاقتها.. وتعلق: "سيبوني في حالي"

احتفلت العديد من المواقع، اليوم بعيد ميلاد الفنانة فريدة سيف النصر، كما ذكروا عنها العديد من المعلومات الخاطئة، وهو الأمر الذي نفته فريدة عبر حسابها الشخصي بموقع "فيس بوك".
كتبت فريدة، "طيب..برغم اللي الواحد فيه..مش سايبيني في حالي..كل المواقع حتي بيروت كل الجرايد الاليكترونيه..معقول حتي اليوم السابع والفجر..مش طريقه بيهنوني بعيد ميلادي واسمي ونبذه عني كله غلط".
أضافت، "انا اسمي فريده جلال سيف النصر علي اسم جدتي..انا اتولدت في مستشفي العجوزه..انا مدرستي ابتدائي النهضه الخاصه..اعدادي ثانوي القوميه..كلهم في العجوزه..بعد كده فنون جميله زمالك..كان سابقني كل من حسين الامام معالي زايد صلاح عناني وكتير انا دخلت اعدادي وهما اخر سنه..انا تزوجت وانجبت ابن وحيد محمد.حاليا عندي حفيدتين لارا5 وتاليا3بنات ابني محمد وزوجته منه".
تابعت، "اعيش ببساطه وطبيعيه والفن بالنسبه لي بدايته مكتوبه مسابقه جمال الصيف وغلاف لوجه جديد لمجلة السينما والناس للدكتور عبدالمنعم سعد وكنت لسه 16بس ضرفه اتفرجوا علي فيلم الضحايا لجنة التحكيم كانت فريد شوقي سمير صبري.حسين فهمي صفيه العمري.نيللي. جورج سيدهم .عاطف سالم.وصحافيين كتير كبار وكانت الجوائز عقود عمل وجورج خدوني بطلة مسرح علي طول.. بالعافيه بيحطوني في واجهة الساخنه وانا بفضل الله راجل اصلا .وللنهارده من اكثر من ثلاثين سنه كأنهم بيعايروني بفيلم مين فينا الحرامي كنت بطلة قصه مع عادل امام.(نقفش في الفراخ) ده افيه عايش للنهارده وكأنهم مسكوالي زله ..مين بقي الله اعلم..يعني انا ماعملتش المذنبون ولا المغتصبون لكن هو كده..زهقت".
أردفت، "وانا مااسميش سوسن الا لو عايزين بدل مايشوفوا فريده تبقي سوسن ههههههه ولا انا مواليد 10 سبتمبر 61..ولاعمري شوفت حدايق القبه ويشرفني اكون منها لكن انا مواليد العجوزه..ودي حكايه تانيه دي ست غنيه قريبة الخديوي والحي ده للراقيين الهانم العجوزه.هابقي احكي لكم ..وانا لاعملت تجميل وده شعري ياصحافه ويالذاذ ويشرفني بس دي الحقيقه علي مصغر مختصر وعلشان نقفل الموضوع اتفضلوا نخلص بقي ومااسمعش صوتكم تاني".
واختتمت حديثها، قائلة: "اسألونا بدل التأليف..بالحق ابويا صعايده وامي اسكندريه..وكفايه بقي الواحد مش ناقص، ونفسي حد يعمل حاجه او يفكر يجرب البطاقه اهي ياللا بلا زهق وخنقه والعنوان اللي فيها انا اتولدت فيه زمان في شهادة الميلاد انا حاليا المهندسين النقطه تقول لكم ايامكم بيضا".
آخر الفنفريدة سيف النصر