"بحذرك".. عمرو مصطفى يفتح النار على محمد رمضان بعد فيديو التحفظ على أمواله

حرص الملحن عمرو مصطفى، على التعليق على الفيديو الذي نشره الفنان محمد رمضان، على حسابه الشخصي بموقع تبادل الصور والفيديوهات "انستجرام"، يعلن فيه تحفظ الدولة على أمواله.
كتب عمرو، على حسابه الشخصي بموقع "فيس بوك"، "( أنا خوضت مشاكل كتيرة جداً ملهاش قيمة) ، في برنامج العرافة رمضان اللي فات طلعت و قدمت نصيحة لمحمد رمضان إنه يستفيد بتجربتي ويبطل مشاكل .. لكن للأسف النهاردة اتفاجئت انه بيقحم اسم "مصر" في مشاكله الشخصية عن طريق محاولة قلب الحقائق بفيديو يخص مشكلته " الشخصية " في التحفظ على أمواله".
أضاف، "غير تلميحاته بأن "مصر و أهلها" لو محتاجة فلوسي يتفضلوا أنا جاهز !! لا يا رمضان مصر وأهلها مش في حاجة لفلوسك ولا لفلوس أي حد بعد إذنك حل مشاكلك الشخصية من غير ما تدخل اسم بلدي في أزماتك… والجمهور المصري الي انت بتخاطبه بمشكلة شخصيه ده جمهور واعي جداً وينتمي لمصر أولاً قبل محمد رمضان أو أي فنان آخر … (الولاء الأول و الأخير لمصر).
تابع، "وأنا كشخص من القوة الناعمة اللي بتمثل مصر واجبي إني أحذرك من إقحام اسم بلدي في أزماتك وواجبي إني أغير على بلدي أنا وأي حد بيحب البلد دي".
تابعنا علي اخبار جوجل